Loading Live Scoring...
*All times CAT (GMT+2)

Football | Naija

Note: this article is written in Pidgin English for a Nigerian audience
Manchester United © Action Images

United manage beat Liverpool

Manchesta United manage hold Liverpool wahala wey match wan finish come neat dem rival 2-1 for the Premier Lig match wey dem play for Sunday wey make United cari padlok, lok deir numba one posishun for table.

Robin van Persie hama in numba 17 gol dis seasin for 19 minut and e come be like say United go waya Liverpool for Old Trafford as Nemanja Vidic head ball enta to make am 2-0 for the 54 minut.

But Liverpool sef bin get oda plan, Daniel Sturridge, wey enta as substitute for secon haf come score, three minute afta United own, the game come tight from dere, Liverpool push well well, but Brendan Rodgers and in boy s no come fit find the equalizer.

Manchesta United & Liverpool na the most succesful klub for Ingiland, any match between dem na helele, two of dem dey share 37 Lig titles, infak, the game sef come b kompitishun between Van Persie and Liverpool strika Luis Suarez, and na the numba one strika for the Lig, Van Persie win dis one.

Suarez no make noise at all for the match, United fans sef hapi like dat come dey boo am anytime in touch ball as per the gbege wey in and Evra, Van Persie sef no match brake for the ogbonge form wey in dey as in gols dey help Manchesta United gap City

The Holland Strika shoe Daniel Agger in numba come jab Evra cross enta net, come score in numba 9 gol inside the lass nine match wey in don play. Van Persie sef don score at least one gol for inside 9 for the lass 10 match wey in play.

" Robin van Persie dey anoda level" United strika Danny Welbeck tok. E dey do some kain tins wey pipu no fit do, i hapi say in dey we side"

Liverpool midfield jus dey dash ball anyhow, come dey siddon far far inside deir half dey invite United make dem attack dem, and dem suppose scre more than the one wey dem score for tthe fess half

Welbeck, wey manage start d match becos Wayne Rooney stil dey injur, hit ball go yonder, Tom Cleverly too nearli score wit shot. Van Persie shibobo ( na wetin South Africa pipu dey call 'Osii' ) nearli enta net, but Martin Skrtel clear am for line, befor Pepe Reina come push the ball as Shinji Kagawa dey rush dey come.

Wetin the fess half show be say, levels don change between the two teams dem, things don change, no be like before, the lass time Liverpool win the Lig na for 1990, but mata change for the secon haf.

As Sturridge show ( na im fess match for Liverpool for Lig be dis) Liverppol sef come inprof, in speed and energi start to dey wori United defense.

The foma Chelsea strika score afta United add anoda gol when Van Persie freekick meet Evra head befor Vidic come deflect am wit in head enta net.

Liverpool sef vex, come comot sharp sharp, Sturridge jab ball enta net afta United golkipa David de Gea no fit hol Steven Gerrard shot.

Sturridge and Fabio Borini, wey also enta field for secon haf come try score as United fans dem come dey shift for deir seat. Sturridge for take equalise for the 85 minut but in shot go ova d bar

United wey sabi win fight lass lass dis seasin,( dem no sabi cari lass) don cari ogbonge 24 point gap Liverpool, wey dey numba 8 for the Lig table.


More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming