Loading...
Loading Live Scoring...
*All times CAT (GMT+2)
days
:
hours
:
minutes
:
seconds

Football | Naija

Note: this article is written in Pidgin English for a Nigerian audience
Ronaldo © Action Images

Devils still want Ronaldo



Manchesta United defenda Patrice Evra done tell Cristiano Ronaldo say make im come house ( as per Old Trafford) if im feel say dem no want am for Real Madrid.

Ronaldo wey waka comot from United for 2009, say make im go Madrid achiv im dream since im b small pikin, neva get d kain salute wey dem dey salute am from Premier Lig for La Liga.

United fans dem bin gbadu Ronaldo, but for Madrid, na helele, im komplain say im no too hapi for dat side, say upon all d ball wey e dey ball for Madrid, dem no dey appreciate, efen as im helep dem stop Barcelona dance for dat side, still dem no send am.

Roaldo don score 170 gol inside d 169 match wey im play for Madrid, and e be like say Real Madrid Chairmo dem no too send becos dem neva even improf im kontrak, d way wey Barca do for Messi.

And as e come be say United go jam Madrid for the quata final for champion Lig for d fess time, Evra bilif say im foma tim mate suppose dey think to waka come back.

" Me and im dey yarn" Evra tell MUTV " Im still gbadu us and im dey miss dis side.

" Im don do ogbonge tins for Madrid, e efen break plenti plenti rekod, but dey no dey show am respekt at all, " Wen Ronny bin dey here, efribodi show am lof, d players dem, coachee and d fans sef, im na winna, im dey miss United becos n im area be dat." i dey always hope say one day im go come bak becos dis na im house, if im wan win d Golden Ball ( Ballon d'Or) im gast to waka come Manchesta United"

Ronaldo bin win d Ballon d' Or for 2008 wen im scatta 42 gol as United do double dat seasin, dem win Champion Lig come carry Premier Lig add, but since dat time na Messi dey shine pass.

Evra bilif say Ronaldo beta pass Messi becos for Madrid, na Ronaldo dey do efritin imself, na im go create chance wey im go take score, meanwhile Messi get Xavi and Iniesta wey dey arrange all d beta beta ball wey Messi dey take score.

" Messi na winch, but Ronaldo winch pass, im dey do on im own, pipul dey wey dey helep Messi. Evra talk.

As Manchesta dey play Madrid for quata-final for Champion Lig, Evra talk say no shakin at all, im say Ronaldo sabi say im na toff defenda, say Ronadlo no fit cari am do yeye

" We don train wit each oda before, im sabi me well well, i hope say na my wing dem go play am, i know im sikrit, no wahala at all. I know say im fit make difference anytime , but d pressure fit wori am and e go good for us."



Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk



Sunday Oliseh
Why you shouldn't bet against Juventus
When you play at Juventus, all you have to worry about is playing football. The club’s management...

Dr Errol Sweeney
Hypocrisy among managers and players
The recent outburst by the manager of Glasgow Celtic Football Club displayed double standards and...

Calvin Emeka Onwuka
Pochettino needs a trophy
The Argentine has until the end of next season at the very most to win a trophy, otherwise he will...

Segun Odegbami
Champions League down to the wire
Football is a psychologically brutal game. It does not take any prisoners. It is cold and...