Akpeyi won go Afcon
Naija Supa Eagus goalie, Daniel Akpeyi tok say him don dey readi gidigba to fight for him life and colect 1 of d shirt to d Afcon nes year for South Afrika.
Akpeyi dey among d 4 goalkipas wey Oga Keshi cal dem name on Friday for Abuja and na 32 Playas dem b wey go travel go camp for preps in Portuga.
D Oda goalkipas na Vincent Enyeama, Austin Ejide and Chigozie Agbim. But na 3 among dis 4 goalkipas na hin Keshi go carri go Southi nex Januari.
Akpeyi wey dey play him futbal for Naija klub, Heartland say him go try well well make him dey among d 3 goalie wey go enta plane go South Afrika nes year.
“My bros, I tank God oooo, bcos na me pipu dey tink say Oga Keshi go drop and him no kum drop me. Him even tok say na d best 3 him go carri go Afcon and me don dey readi to fight for my life bcos I won make Naija win d cup for South Afrika and I won b pat of d tim,” Akpeyi tok.
Oga Keshi go name him fina 23 afta d intl friendli game betwin Naija Supa Eagus and Catalonia wey dem go play for Espanyol on Januari 2 nes Year.
No 4get say na Grup C na hin d Supa Eagus dey and dem go face Zambia, Burkina Faso and Ethiopia.