NPL wahala dey worry 'Big Boss'
by Ibitoye Shittu 18 December 2012, 06:00
D Oga Kochi of d Naija supa eagus, Stephen Keshi don reveal say d 2012/13 NPL ligue wey neva start for Naija dey give ham headache 3 much.
Walala and katakata wey bin dey hapin betwin d clubs Onas and Oga Baribote and him board na hin dey cos make dem dey postpone d ligue, but dos Oga wey dey NFF talk for dem congres wey dem do for Potakot say make dem stat d Naija ligue bfor AFcon go bgin nes year for South Afrika.
Keshi say him no hapi atol as d Naija ligue neva stat and fear kumo con dey catch ham as him tink say dos boys wey dey play for Naija ligue fit no get enough effici if him carri dem go Southi.
“Nations cup wey we dey go so, na big tonament oooo for Afrika and with wetin dey hapin now for d Naija ligue, d playas fit no fit enough to play for d ogbonge AFcon,”
Big Boss as people dey call Keshi talk say d loca playas wey don dey ground bfor for d las 1 year fit helep d mata sall.
“Wetin sweet me b say dose playas don dey with me since Decemba 2011 wey NFF give me dis job and d playas demselves know say na to play well for d AFcon na hin Naija people want,”
D Supa eagus plan for d AFcon don stat for Abuja on Sunday and Keshi hapi say him playas don dey arive camp.
“I hapi say dem don dey show wich is good bcos our plan na to win d cup for Naija people,> Keshi talk.
Naija Supa eagus dey grup C for AFcon and dem go fight with dem enimies wey b Zambia, Burkina Faso and Ethiopia.
Na Januari 21 Naija go fes play dem game for Southi and na Burkina Faso dem go takle.
