Loading...
Loading Live Scoring...
*All times CAT (GMT+2)

Football | Naija Tori

Note: this article is written in Pidgin English for a Nigerian audience

Keshi go win Afcon - Mikel



Chelsea midufilda John Mikel Obi don comot talk say im dey Naija Coachee Stephen Keshi back, dey take support am make im win d 2013 Afrika Cup of Nation as per coach afta im bin win am as player for 1994 time, FIFA dem bin report.

Mikel sef dey feel say if d players train well well, come carry beta liver enter field, Super Eagle go become d Afrika Champion for South Africa and e go come be d number 3 time wey dem go do so.

But the midufilda say im dey feel say small shock go fit dey for d compitition, e come carry eye luk defendin champion Zambia side and Cape Verde dem, wey bin comot Cameroun from d compitition.

FIFA.com: You bin no play for World Cup wey South Africa host becos of injuri wey bin dey worry you. If u take win the Nation Cup next year, shey e fit compensate for d miss wey u miss d world cup? JMO: ahh, no, d two compitition different nah, World Cup big pass, and na efri player dream make e play for world cup. I bin disappoint say i miss d lass one wey dem do for South Africa, but i sabi say plenti world cup dey front wey i fit play. D Nation Cup na differen one, and i dey pray say make naija win am, make i come nack medal for neck.

FIFA.com: Wetin u fell say Supa Eagle suppose do to win dem numba 3 Nation Cup? JMO: We go need to prepare well well, put our mind for one place, come play efri team dem with seriousness, we go look all d team wit d same eye, we sef nid to play like team wey dem join with supa glue, if na sabi, we get playas wey sabi tap rubba, Coachee sef don win am dat time e be playa, and i bilif say im go make histori come win am as Coachee.

FIFA.com: You go play for d FIFA Klub World Cup, and the Ingilish Premier Lig sef dey for ground, you no go tire so wen time reach for d Nation Cup?

JMO: Noooo, nothing do me, e no go affect me lai lai, infak na beta fitness e go gif me sef, i go redi, for d Nation cup, no wahala, i dey, i full ground kampe.

FIFA.com: How u go take describe ur fess Nations Cup wey you play for 2006 wen Egypt bin host?

JMO: Na correct expirience, and e sweet my belle as we take win bronze, na my fess Nation Cup be dat afta i bin move from d U20 join d Senior tim.

FIFA.com: How u bin feel wen you bin join d team for dat veri serious match with Liberia for Octoba time afta all d plenti month wey u bin no dey?

JMO: Ahh, i hapi oh, i hapi to come bak meet efribodi again, dat time sef wey i bin no dey, i dey always halla dem, dey hail dem, no be like say i just waka no send anybodi, no be like dat. Me dey proud to play ball for Naija anytime.

FIFA.com: How you dey look Naija dem opponent for d fess round- Zambia, Burkina Faso and Ethiopia?

JMO: all of dem na correct tim, d fact be say dem don qualify for d Nation Cup so na proof say dem good, we no go carri any tim play, na strong face oh! No dulling at al, but i feel say Zambia dem go dey front for d matter pass Burkina Faso and Ethiopia becos na dem be d defendin champion.

FIFA.com: Na which Naija playa don make ya belle sweet dis year and why e be like dat?

JMO: I no wan say na dis playa abi na dat one play ball pass dis year, all of us dey ball wella for our klub, so i no fit tanda say see who pass, all of us dey try well well.

FIFA.com: Na who you u feel say fit win the Nation Cup? JMO: Naija for life nah, Na Naija nah, Ghana and Cote d' Ivoire sef dey there, but Cpae Verde dem and Zambia dey there to pour sand for d garri. If Cape Verde fit do Cameroun strong thing, den dem fit do beta thing. Na to take dem serious remain.

FIFA.com: You and dem Salomon Kalou and Didier Drogba na padi padi as per una don tey together for Chelsea. Una don yarn d Nation Cup matta?

JMO: We neva yarn oh, but we fit relate when time fr draw reach sha. FIFA.com: Final final, wetin u dey expect when Chelsea waka go Japan for the Club World Cup.

JMO: i dey hapi well well, and na honor to waka go Japan go play for dis ogboneg compitition. Dis na d fess time Chelseas dey play for dis kain compitition, i dey pray to win am, so dat we go fit create histori for Japan jus like d way we take win d UEFA Champion Lig for d fess time for May.



Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk



Neil Tovey
Why I answered Safa’s call
I am pleased to have agreed to a deal in principle to serve as Safa’s technical director for the...

Dr Errol Sweeney
Ref right to red card Neymar
The disgraceful and childish petulance displayed by what many would consider to be one of the best...

Carol Radull
Why Harambee Stars won't go far
So, Harambee Stars lost 2-0 to Ethiopia in our Chan qualifier match on Sunday. What’s so surprising...

Clyde Tlou
Time for SA legends to step forward
A lack of ambition is hampering the South African 1996 Africa Cup of Nations legends.

Sunday Oliseh
Why Africa needs to act now
The world football landscape is facing terrible turbulent times and what shape it will be in the...

Calvin Emeka Onwuka
Barcelona triumph
Over the weekend FC Barcelona of Spain won their sixth Uefa Champions League trophy and their...