Eaglet go practice for rubber feild
Naija golden eaglets go waka go abuja on Sunday from calabar where dem
base make dem take prepare well well for the veri veri serious match
wit Mali for Bamako there for dem 2013 African under17 qualifier.
As e don confam say na for rubber rubber field dem go play the match, dem
coachee for the team come beg NFF say e for better if dem waka go
Abuja wey get the kain field wey dem go take play for Bamako. D team
bib fess start from d FIFA goal project rubber rubber field dat time
for february wen dem bin first start screening.
Eaglet coachee Manu Garba don comot say e for good make dem players practice on top that
kain field so that when time match reach dem for sabi how the field go
be make the Malian no carry advantage for dem eaglets head.
"The training wey we train for calabar this pass one week don helep us
well well, but e go still beta if we come manage understand the kain
field wey we go pay d ball for Bamako, na im make us wan go Abuja so.
To play for rubber rubber field no be new thing to us at all at all,
and confido dey say we go cope wella when we waka go that side."Garba
talk.
Garba dey sure say when time reach for CAF to do draws for d 2013 U17
Afrika dem championship for December 9 for Cairo, naija name go dey
inside pot wey dem go do the draw. D competition go get 8 teams and na
d top four go take represent Africa for the 2013 FIFA World cup wey
dem go play for UAE.
"By God grace, we go dey d two competishun, both d afrikka own for
Morocco n d World own,and as e come be, we go do evfri thing we dey
possible to see say e happen like dat' Garba yarn.
Naija dem carry better 2 goal advantage from d first leg wey dem bin
win for UJ Esuene Stadium for Calabar carry go meet dem Junior Eagles
of Mali for Bamako as dem knock head to see who go carry the ticket
enter Morocco.
