Loading...
Loading Live Scoring...
*All times CAT (GMT+2)
days
:
hours
:
minutes
:
seconds

Football | Naija

Note: this article is written in Pidgin English for a Nigerian audience
Atletico Madrid © Action Images

Atletico, Real jamm for final



Atletico Madrid go follow Real Madrid play final for King Cup afta dem play 2-2 draw wit Sevilla on Wednesday.

E mean say Atletico win de two leg 4-3, bicos dem bin waya Sevilla 2-1 for fes leg.

Na Diego Costa bin score Atleti two goal for fes leg, and na im start de gbege again, wen hin faya beta shot as match jus dey reach six minit.

Costa don score seven goal for dis King Cup now, meaning say hin dey gap all man. Real Madrid playa, Cristiano Ronaldo don score six, de same wey Sevilla strika, Alvaro Negredo, don score.

Diego Costa (na Brazil hin come from) come tear race for left wing, send nasa wey Falcao faya enta net as match reach 29 minit.

Na Sevilla bin dey house, and na so dia supporta jus dey hail dem. De tin ginja Jesus Navas and he jus bend one kin ball wey enta bet as fes haf wan finish. 2-1.

Sevilla bin waya Atletico 2-kondo for final for 2010, and na so dem press Atleti die, for second haf.

Atleti defend faya, and na wen match don enta mortuary time na im Ivan Rakitic come score Sevilla ekwaliser.

By dat time sha, Sevilla don vex like deaf and dumb. Refree bin don give Gary Medel red card wen match remain 14 minit. Geoffrey Kondogbia come colet hin own as match finish. De two of dem bin foul Costa.

Atletico don win King Cup nine tines and na Real Madrid dem go follow play final on de 18 of March, afta Real bulala Barcelona 4-2 for dia own two leg.



Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Latest Video Highlights

Sports Talk



Segun Odegbami
Kunle Awesu resurrects
About a week ago, I opened my Facebook page and somehow discovered a section full of some old...

Dr Errol Sweeney
Refs under fire from ex refs
It is hypocrisy of the highest order when refs should have the audacity to come out and criticise...

Sunday Oliseh
Premier League title - Who’s in the hunt?
This is definitely, in my opinion, one of the most interesting, competitive and unpredictable...

Calvin Emeka Onwuka
Pep needs to adapt quickly
The US Network, NBC broadcast a documentary over the weekend "Inside The Mind of Pep". The...