Loading...
Loading Live Scoring...
*All times CAT (GMT+2)
days
:
hours
:
minutes
:
seconds

Football | Naija

Note: this article is written in Pidgin English for a Nigerian audience
Atletico Madrid © Action Images

Atletico, Real jamm for final



Atletico Madrid go follow Real Madrid play final for King Cup afta dem play 2-2 draw wit Sevilla on Wednesday.

E mean say Atletico win de two leg 4-3, bicos dem bin waya Sevilla 2-1 for fes leg.

Na Diego Costa bin score Atleti two goal for fes leg, and na im start de gbege again, wen hin faya beta shot as match jus dey reach six minit.

Costa don score seven goal for dis King Cup now, meaning say hin dey gap all man. Real Madrid playa, Cristiano Ronaldo don score six, de same wey Sevilla strika, Alvaro Negredo, don score.

Diego Costa (na Brazil hin come from) come tear race for left wing, send nasa wey Falcao faya enta net as match reach 29 minit.

Na Sevilla bin dey house, and na so dia supporta jus dey hail dem. De tin ginja Jesus Navas and he jus bend one kin ball wey enta bet as fes haf wan finish. 2-1.

Sevilla bin waya Atletico 2-kondo for final for 2010, and na so dem press Atleti die, for second haf.

Atleti defend faya, and na wen match don enta mortuary time na im Ivan Rakitic come score Sevilla ekwaliser.

By dat time sha, Sevilla don vex like deaf and dumb. Refree bin don give Gary Medel red card wen match remain 14 minit. Geoffrey Kondogbia come colet hin own as match finish. De two of dem bin foul Costa.

Atletico don win King Cup nine tines and na Real Madrid dem go follow play final on de 18 of March, afta Real bulala Barcelona 4-2 for dia own two leg.



Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk



Calvin Emeka Onwuka
Jose Mourinho's biggest test in football
This season is going to be Jose Mourinho's biggest test as a football manager following what has...

Sunday Oliseh
Latest Pep win over Mou means more
It was a highly awaited derby encounter, pitting two of the richest clubs in the world against one...

Dr Errol Sweeney
Ref Halsey revelations shocking
“The ref robbed us.” “We wuz robbed.” “Ref, you’re a cheat,” or in my case as uttered by the former...

Segun Odegbami
Jose Mourinho Versus Pep Guardiola
It is still morning in the 2016-17 EPL football season. There is still a long way to travel in the...