Loading...
Loading Live Scoring...
*All times CAT (GMT+2)

Football | Naija

Note: this article is written in Pidgin English for a Nigerian audience
AC Milan © Action Images

Milan draw Milan



AC Milan strika, Mario Balotelli miss plenti chance for hin fes 'Milan darbi' since three years now, as dem follow Inter Milan play 1-1 draw on Sunday.

Milan na im fes score as match reach 21 minit, wen Stephan El Shaarawy faya beta shot, and na dem bin dey show Inter pepper bifor Inter midfilda, Ezequiel Schelotto come ekawalise wen match reach 71 minit.

Inter pipu bin happi wen match wan start bicos dia central defenda, Andrea Ranocchia bin play. Hin bin dey carri wound and pipu no bin sabi if he go redi.

Even tho Inter bin waya Milan 1-kondo wen dem bin fes play demsef as season start, na AC Milan all man eye bin dey sake of say dem bin show Barcelona pepper las week, for Champions lig and dem bin don climb table reach third sef.

Na Milan start match like ogbanje; Sulley Muntari and Mattia De Sciglio faya shot wey Inter goalie, Samir Handanovic push comot. Meanwilly, Inter strika, Antonio Cassano faya shot wey Milan goalie, Christian Abbiati laff, colet.

Na Milan troway de fess chance, afta Mario Balotelli fall for front of post wen Kevin Prince Boateng leave nasa wey Mattia De Sciglio troway for 18.

Make e no be like say Inter no wan play, Rodrigo Palacio sef troway chance wen he faya shot pass side net.

Na Milan come dey show diasef and na lef wing dia power bin dey, as De Sciglio dey show Inter defendas pepper.

Na Cassano come troway ball for midfild. Boateng colet am come pass beta ball give El Shaarawy. De guyman jus use outside of hin leg faya shot wey Inter goalie, Handanovic no fit catch. 1-kondo.

Milan for score anoda one wen Balotelli nod one corner but Handanovic use 'by faya by force' take catch am.

Balotelli come see anoda chance afta as he use hin toe touch ball wey Inter manage kick comot.

De match wan come be Balotelli and Handanovic fite. Balotelli nod nasa wey Abbate send come, but de Inter goalie catch am. As match reach 40 minit, Balotelli faya one helele freekick but Handanovic dive like pussy, push am comot.

As second haf start, Milan still no wan gree. Boateng nod ball pass side net afta Montolivo nasa freekick enta 18.

Freddy Guarin come show pipu say Inter sef dey tap ball, wen faya Palacio nasa one time, but Abbiati stretch like pussy, palm am comot.

As match reach 57 minit, Balotelli nod ball pass side net from one freekick, den he wan break post afta dat one, sake of say Handanovic block hin shot afta one corner wey dem nasa come.

Na Milan dey tap ball but na Inter come score wen match reach 71 minit.

Schelotto bin jus enta match for Cambiasso and na hin nod one kin sweet nasa wey Yuto Nagatomo send into 18. Abbiati no fit catch am. 1-1.

De goal jus be like glucose for Inter and Palacio nod one ball wey panic Abbiati but he push am comot. For de oda side, Muntari faya one kin shot wey jus pass side of post.

Milan come get diasef wen match remain 15 minit.

El Shaarawy fes try sangalo, but dem block am, bifor M'Baye Niang faya beta shot wey dem block too. Niang bin enta match for Boateng.

E for be 'yekpa' for Milan wen match wan finish bicos Palacio nod ball wey jus pass side netting.



Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk



Dr Errol Sweeney
Ready for the Big Whistle-Off?
They say time flies when you’re enjoying yourself. For footy followers the start of the 2015/16...

Carol Radull
Fitting curtain raiser for the EPL
Arsene Wenger’s attempts to beat Jose Mourinho have finally born fruit with a thrilling curtain...

John Dykes
Londoners to capitalise on pre-season
On Sunday, Wembley Stadium will once again host a game of football that isn’t all we think it is.

Segun Odegbami
Predicting the EPL winners
We are moments away from the start of the European football season. So, let’s look at the teams...

Calvin Emeka Onwuka
Premier League preview - part 1
Maybe it is a sign of my age, or an indication of how the last two seasons have been for the club I...

Sunday Oliseh
Super Eagles job: an uphill task worth taking
It is definitely the most delicate football job on the African continent and the most demanding.