Loading...
Loading Live Scoring...
*All times CAT (GMT+2)

Football | Naija

Note: this article is written in Pidgin English for a Nigerian audience
City © Action Images

City kolobi Chelsea, Newcastle win



Manchester City use two hand hold second afta dem waya Chelsea 2-kondo on Sunday, for Premier lig.

Man City goalie, Joe Hart, bin catch penarity wey Frank Lampard faya, den Yaya Toure and Carlos Tevez come score dia goal for second haf.

E go hard City win lig again, but dem don dey use seven point gap Chelsea and na 12 point Man United dey carri gap dem now. Tottenham Hotspur sef fit gap Chelsea, if dem waya West Ham on Monday.

City manaja, Roberto Mancini bin pack midfilda full hin team, de same tin wey Chelsea manaja, Rafael Benitez bin do. Onli say Benitez keep John Terry and Fernando Torres ontop bench.

City bin start match wit onli Sergio Aguero for front, but na dem show Chelsea pepper for fes haf.

Chelsea goalie, Petr Cech work like jackie for fes haf, as he carri hand push one ogbonge header wey Matja Nastasic nod, over de bar, bifor Gary Cahill block Zabaleta shot wey wan enta net.

Jack Rodwell neva tap ball for City since, and Mancini put am for team. Na hin come wan wound Cech for fes haf, as he faya one ball from far place wey Cech push comot, bifor he come nod de corner wey Cech catch again.

Na Chelsea come get beta chance to fes score wen second haf start, becos refree tok say Hart bin foul Demba Ba for inside 18, come blow pena. Hart show hin skill sha, as he save beta shot wey Lampard faya.

De tin come faya City, and Aguero lob one kin ball wey jus be ova de bar. All na tori, becos City come score wen match reach 63 minit.

Yaya Toure colet pass for David Silva hand, dribbu four defenda bifor he bend ball pass Cech, enta net.

Carlos Tevez come put full stop wen match reach 85 minit. He colet ball for outside 18 come waya beta bullet wey Cech for no catch lailai.

Na so match come finish 2-kondo.

Na two match bin dey on Sunday sha; Newcasu bin follow Southampton play.

Newcasu waya dem 4-2 for match wey be like koso.

Sake of say Newcasu don gada many French playa, dem kuku do naming ceremony for de match. Dem bin name am 'French Day' and dem give dia supporta cap make dem wear, come even play French national antem bifor match start.

All dat one be like tori becos na French man wey dey tap for Southampton fes score. Midfilda Morgan Schneiderlin faya shot enta net afta Rickie Lambert nod header give am as match jus reach three minit.



Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk



John Dykes
Londoners to capitalise on pre-season
On Sunday, Wembley Stadium will once again host a game of football that isn’t all we think it is.

Segun Odegbami
Predicting the EPL winners
We are moments away from the start of the European football season. So, let’s look at the teams...

Calvin Emeka Onwuka
Premier League preview - part 1
Maybe it is a sign of my age, or an indication of how the last two seasons have been for the club I...

Dr Errol Sweeney
Ref's job becoming more difficult
What you are about to read may sound like I’m stating the obvious, but it’s true.

Carol Radull
Is this Gor Mahia's year?
Gor Mahia is having a bit of a dream season. A total of 18 games into the season, they are unbeaten.

Sunday Oliseh
Super Eagles job: an uphill task worth taking
It is definitely the most delicate football job on the African continent and the most demanding.