Revolutionary goal line technology don land
Revolutionary goal line technology (GLT) , wey bin suppose show for
World Kup wey dem go play for Brazil, go dey table for market, Fifa
don announse for Tuesday
Fifa bin siddon scratch head say the new sistem wey dem wan introduse
make e take korrect all the fight fight wey dey hapin as per say, weda
ball enta net abi e no enta net and na for lass July dem come gree say
dem go use am, dem don alreadi use am for Fifa Club World Cup wey dem
play for Japan for Decemba.
" The two GLT ( na the technology wey go know weda ball cross line
inside net) kompani wey don dey work wit us dem unda the Fifa kwaliti
program, and odas GLT pipu wey don dey wait make we license dem ( dem
for pass all we test gon gon) fit come show us wetin dem get for us"
The pipu wey dia system klik na im Fifa go use for the confederashun
kup wey dem go play for Brazil for June time dis year.
All the kompani wey dey interested for the GLT go folloew kollect leta
wey dey invite dem make dem visit the venu for midul of match, and dem
go take ffinish the mata for earli April.
Fifa presido Sepp Blatter don dey hala say make dem use goal-line
technology since in see Frank Lampard wey cross line but referee for
the match no kuku see am for the difit wey Germany do England for the
2010 World Cup.
Afta dem test two sistem come see say e gud, dem don approf Goalref
and Hawkeye, don license dem, and dem even use am for the Club World
Goalref dey use magnetik senso take sabi weda ball cross line, Hawkeye
own dey use plenti camera take see weda ball cross line.
E b like say two kompani wey dey Germany go enta the market, and na
for April dem fit approf.
Fifa statement wey comot tok say " The koko b say we dey use GLT so
dat we go gif match offishal dem small hand make dem do dia work well,
and to put sistem for all the stadium, come see if e work and make dem
referee sef take test am"