Loading...
Loading Live Scoring...
*All times CAT (GMT+2)

Football | Naija

Note: this article is written in Pidgin English for a Nigerian audience
AC Milan © Action Images

Ghana connection help Milan skata Barca



Wahala dey for Barcelona as dia parade to try win dia numba four Champion Lig cup don get k-leg afta dem lose 2-0 to AC Milan for Wednesday, minwhile Galatasaray and Schalke draw dia match 1-1 for Istanbul.

The Catalan boys wey b oga for La Liga bin no fit brek Milan for the fess leg for dia last 16 match wey dem play for SanSiro, na the same place wey Inter Milan beat dem for 2010 semifinal.

As usual na, Barca control tins, cari possession, but dem no fit find beta space, and na dat one come be the wahala as Milan sef come dey play konta atak.

Milan, wey neva lose for the lass seven Seria A match wey dem don play for 2013, but dem frustrate Barca die and dem come score for secon haff, na dem Ghana boys Kevin-Prince Boateng and Sulley Muntari score the two gols.

Boateng score from near the eiteen before 60 minut afta Riccardo Montolivio free kik bin luk like say e touch Cristian Zapata hand come fall for Boateng.

Barca sef come protes say the ball touch Zapata hand but Scotland referee Craig Thomson no send dem, and the gbege come inkris for Barca as Milan come cari the game reach dia area. Stephan El Shaarawy arrange korrect pass gif Sulley Muntari, and the Ghana midfilda no waste time scatta ball enta net pass Victor Valdes.

" Milan organise demself well well, we kontrol tins for fess haff, but we no too create chances the way wey we for like" Barcelona assitan coachi Jordi Roura tok.

" The result no too gud, but yawa neva gas"

Milan coachi Massimiliano Allegri tok say the reslut na ogbonge one for in team " na beta win for us" kom add say " i neva bilif say we go enta secon leg wit 2-0 advantage"

For the oda game wey dem play for Instanbul wey pipu no too send, the game still dey as per Galatasaray bin stat dia two playas wey dem sign for transfa windo, Wesley Sneijder and Didier Drogba wen de welkom Germany team Schalke enta Turkey.

But na anoda Galatasaray player shine tochlite, as Galatasaray score for the 12 minut

Burak Yilmaz score in numba seven gol inside seven matches for Champion Lig dis seasin, foma Schalke playa Hamit Altintop bin also hit bar.

Schalke sef bin create beta chance come equalise befor haff time as Jefferson Farfan lay beta pass reach Jermain Jones to take score.

" We dey hapi wit the result" Jones tok, as in team Schalke dey cari the away gol go wait make Galatasaray show for Germany.

" Small small mistak bin dey, dem come score us, but at all at all , we play well"

" The gol wey we score gud well well, we go take see wetin we go do afta, we don get respeck" Galatasaray midfilda Nordin Amrabat gree say " No be long tori, the koko be say we gast to score, win the secon leg, but e no go easy"

Dem go pla the two secon leg for March 12.

Shop

Gerrard: My Autobiography
Steven Gerrard is a hero to millions, not only as the inspirational captain of Liverpool FC, but as a key member of the England team.
R161.00
Rafa: My Story
Revelatory memoir from the greatest sportsman in the world today.
R182.00
Mitre Monde Soccer Ball - White
Voted as one of the UK's favourite match balls
R219.00


Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk



Carol Radull
How do you pay tribute to Thierry Henry?
If you’re a fan of the classic musical “The Sound of Music” then you will be familiar with the...

Dr Errol Sweeney
Some refs invite criticism
Why is it that some referees appear to invite criticism? Why is it that some referees put a...

Neil Tovey
Backing Tinkler for the big time
With Vladimir Vermezovic having jumped ship, Orlando Pirates find themselves in a state of flux.

Chima Emmanuel Aguma
Wenger in or out? I say out!
After Arsenal’s loss to Stoke City this past weekend, the call for Arsene Wenger to step down as...

Sunday Oliseh
Football's new undisputed best club?
When Barcelona appointed Pep Guardiola as head coach in 2008, their primary objective was to stop...

Arjun Vidyarthi
Make or break time
Ten years ago today, I remember Andy Gray's iconic commentary at Anfield, when Steven Gerrard...