Loading Live Scoring...
*All times CAT (GMT+2)

Football | Naija

Note: this article is written in Pidgin English for a Nigerian audience
Keshi © Action Images

Wata pass garri as Keshi quit Eagus

Wahala don happin oooo as de Oga coachi for de Naija Supa Eagus, Stephen Keshi don carri im bag kommot lif de Naija job afta de guyman just win de 2013 Nations cup for de Naija pipu and fans, naso we wey dey supersport.com too hear am.

Na for one radio show wey one big amebo, Robert Marawa dey do for Metro FM for South Africa na im Keshi wey be 51year old take tok am say hin don resign on Monday.

Robert Marawa wey be de amebo reporta wey carri Oga Keshi go tok for de radio show kon post am for hin Twitta account (@robertmarawa) dat Oga Keshi don resign as de manija for de Supa Eagus.

Oga Keshi also tok say hin Oga dem don even fire am kommot bifor Naija play Ivory Coast for de kwatafinal of de 2013 Nations cup wich u rememba dat Supa Eagus chop de Elephants 2-1.

Make una no forget dat Keshi don tok am bifor lass wik dat hin go kommot, but e be like say na play pipu think say de guyman dey do.

“You no go fit force someone to love or make dem acept you and e no mata wetin pipu dey think say Stephen Keshi dey do, but wetin dey impotant na wetin I dey teach my Boys, and if I go back to Naija and dem no appreciate me, no wahala,” Naso Keshi tok.

Keshi on Sunday for Johannesburg for South Africa make Naija pipu and dia fans happi as de big boss wey be Keshi nickname helep de Supa Eagus carri de Nations cup wey make am be de third time wey Naija go carri am for dia history as dem waya Burkina Faso 1-0.

Na today wey be Tuesday na hin de Naija presido, Goodluck Jonathan tok say him go welcome de Supa Eagus for Abuja for de Nations cup wey dem win for Naija.

Meanwhile, NFF wey na dem dey control futball for Naija don tok say Keshi neva tenda any letta give dem say hin don resign as dem memba wey be Emeke Inyama say na rumour.


More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Latest Video Highlights

Sports Talk

Dr Errol Sweeney
14-year-old ref racially abused
We are constantly told that football is the most popular sport in the world and, to a large extent,...

Sunday Oliseh
Coaching Eagles: What they won’t tell you
Two days after starting as chief coach of the Super Eagles of Nigeria a representative of a major...

Segun Odegbami
Nigeria needs something valid to celebrate
The Adokie Amiesimaka Stadium erupted in an orgy of celebration after Nigeria beat Swaziland 2-0.

Calvin Emeka Onwuka
Mourinho and Rooney at crossroads
It was after a goalless draw at Old Trafford in the second match of the ill-judged season of David...