Enyeama say Angels help am for post
by Ibitoye Shittu 30 January 2013, 15:06
De Naija Supa Eagus goalkipa, Vincent Enyeama don tok say na Angels of God helep am with de fine save wey im take deny Ethiopia de chance to equalize on Tuesday.
At lass, Supa Eagus afta plenti pressure on de coachi, Stephen Keshi and de playas. Dem grab de kwatafinal ticket for de ogbonge 2013 Afcon wey de go on for South Africa.
Na Victor Moses be de messiah for de Eagus as na de two PK wey him score helep Naija as dem go face Ivory Coast on Sunday for de kwatafinal.
“Bros, I no even know how I take save dat shot, but de Angels of God dey kampe for my back and na dem helep me to be for de correct place and I tank Baba God as we don reach de lass 8,” Enyeama yarn us for supersport.com.
Enyeama go now pray again make de Angels of God helep am on Sunday for post as de Naija game against Ivory Coast na war.
