Loading Live Scoring...
*All times CAT (GMT+2)

Football | Naija

Note: this article is written in Pidgin English for a Nigerian audience
Antonio Conte © Action Images

Conte don chop two match suspenshun

Juventus coachi Antonio Conte don chop two match suspenshun afta all the katakata wey hapin afta the 1-1 draw wey the Serie A numba one play wit Genoa dem fo house on Saturday.

Deir Sport direkto Guiseppe Marotta sef kollect in own wey go reach three weeks for the same thing wey Conte do and defender Leornado Bonucci bi get one match suspenshun for d way in behave, the lig disiplin offica tok for statement for Monday.

Juventus wey cari three points gap Napoli bin vex tear head for plenti wisil wey refiree no blow for the match espeshali the penarity wey in go gif dem wen game don nearli finish for the hand ball wey Genoa defenda Andreas Granqvist do

Conte sef, vex enta field rake for the offishals dem and come lata yarn say the refiree no get shame.

Marotta bin lata tok say e bile refiree Marco Guida do wetin in do becos in bin come from Naples ( Na where Napoli dey base b dat)

The Comishona sef say Conte, wey just show from the four mont suspenshun wey dem gif am as per say in no gree repot egunje wey dem wan gif make dem square match wen in be Siena coachi, bin hala match delegate dem plus lineman with plenti aggro

In come yab dem on top and juss dey misyan anyhow lata lata for dressing room

Marotta sef don suspend reach Februari 18 for the same kain thing and how in take rake the refiree for dressing room, Bonucci sef dey gilti fort the yab wey in yab assistant refiree and the refiree afta the match

Palermo coachi Gian Pieri Gasperini sef kollect one match ban and strika Fabrizio Miccoli chop two afta d two of dem kollect red kard for the way dem take dey protes Cagliari lass minuet goal for the 1-1 wey dem play for Sunday


More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk

Calvin Emeka Onwuka
Klopp keeps it simple
Two events show why the players have easily taken to what Jurgen Klopp is asking of them.

Dr Errol Sweeney
14-year-old ref racially abused
We are constantly told that football is the most popular sport in the world and, to a large extent,...

Sunday Oliseh
Coaching Eagles: What they won’t tell you
Two days after starting as chief coach of the Super Eagles of Nigeria a representative of a major...

Segun Odegbami
Nigeria needs something valid to celebrate
The Adokie Amiesimaka Stadium erupted in an orgy of celebration after Nigeria beat Swaziland 2-0.