Baloteli na hot cake in Italo
by Andrew Randa 29 January 2013, 11:01
Manchesta City Strika Mario Baloteli go fit dey road dey enat in
kontri Italo make in tap ball, even as some olofofo pipu dey yarm say
AC Milan and Juventus dey eye the guyman.
The Inglang champion dem don dey yarn wit some klubs dem for Italo
Serie A inside the pass 24 hour, and e bile na Milan serious pass for
the mata. Repot even yarn say dem bin drop £20 million plus oda jara
wey fit follow kom for the 22 years playa but City sef no too gbadu
the maket
City sef no too move bodi try sell Balotelli, wey trousa no dey dey
far from fire, wit all the yama yama wey in do dey do for inside filed
and outside sef, but if in go waka, na strait market , no be
loan.
Balotelli ( in papa wey born an na from Ghana) bin join City dem from
Inter Milan for 2010 for dat kain £22 million and in don dey enta
trobul for the klub, in even fight in manaja Roberto Mancini and don
get plenti plenti gbege for in head.
