Forgot Password

 

Register

 

Create your Connect ID

This will allow you to login to all DStv websites & applications




or
Login using
x

Email Reset

 




Loading...
Loading Live Scoring...
*All times CAT (GMT+2)

Football | Tori for Pidgin

Note: this article is written in Pidgin English for a Nigerian audience
Keita © Backpagepics

Mali win but DR Congo na faya



Mali bin win de fess match for dis year Nations Cup on Sunday, but na team wey all man no bin put eye, DR Congo, na im catch faya for Group B.

De Leopards (na DR Congo guyname be dat) troway all de gbege wey dem bin get – money wahala and de way dem dey carri dia playas do anyhow – as dem score two goal afta Ghana don score, to follow dem play draw for inside Port Elizabeth.

Na de kin ball wey pipu sabi for Africa be dat, afta de kin wowo futbal wey bin hapin on Saturday, wen South Africa follow Cape Verde play draw, then Angola and Morocco sef no gree score for dia own match.

Beta skill factory, Tresor Mputu, and Dieumerci Mbokani bin score for DR Congo, afta Emmanuel Agyemang-Badu and Kwadwo Asamoah bin don score for Ghana.,/p>

De las time wey DR Congo appear for Nations Cup na for 2006, and Wes Bron playa, Youssef Mulumbu for even helep dem win de match, if no be Ghana goalie, Fatau Dauda, wey bin save hin shot.

”Dis match na de kin match wey go show evribodi how Africa ball dey be,” na im DR Congo coachi, Claude Le Roy bin halla.

Le Roy don be coachi for Nations Cup now, e don reach seven tines, becos he don carri Cameroon, Senegal and Ghana enta bifor.

”My playas don make my belle sweet well, well. Dem sabi tap ball and dem show am, becos dem still play draw afta Ghana don score two, for ogbonge match like dis, even tho e don tay since we play Nations Cup.”

”Afta all de gbege wey bin dey for our side bifor Nations Cup, dis score na wetin we want and I hope say our contri go tanda for our back now.”

Ghana coachi, Kwesi Appiah, don win Nations Cup wen hin be playa for Ghana for 1982, and he tok say, “I bin know say to play DR Congo no go easy, but e still pain me say we no win de fess match.”

”We jus relax afta we score two goal and we come be like small pikin. We musto change bifor we follow Mali play.”

Afta de ogbonge futbal wey all man bin watch inside de Nelson Mandela Bay Stadium, as Ghana play DR Congo, Mali and Niger come kukuma spoil am wit wowo futbal.

Na Mali go still happi pass sha, as na dem win, and e fit helep dem forget all de gbege wey dey dia contri.

Niger jus dey show say dem bin no wan make Mali beat dem, becos dem no even try go score, and e remain small make dem follow Mali draw, bifor forma Barcelona playa, Seydou Keita come score.

Niger goalie, Daouda Kassaly, hand bin don dey shake since match start, and he bin no fit hold simple cross wey Mali playa, Fousseiny Diawara, nasa inside. De ball jus land for Keita front and na so he waya am enta net.

E be like say all man know say na Keita (na China he dey tap hin club futbal now) go score, becos he bin waya one beta shot wey nack bar bifor de goal enta sef.

Mali, wey no even play ball reach DR Congo or Ghana, don dey carri fess for Group B now, even tho dem go still follow dose team play. Dia coachi, Patrice Carteron sef sabi.

”De match bin no easy becos Niger bin jus wan defend. My belle sweet for de playas sha, becos dia morale go high bifor dem follow Ghana play.”

Niger coachi, Gernot Rohr, bin happi sef, even tho hin team no win: “We try sef, becos na ogbonge team we follow play. My playas dem get gree-die so even as we no win, we still happy.”

All man eye go dey Nelspruit on Monday now, becos Zambia go follow Ethiopia play and Naija go follow Burkina Faso gbege, for inside Mbombela Stadium.

Shop

Gerrard: My Autobiography
Steven Gerrard is a hero to millions, not only as the inspirational captain of Liverpool FC, but as a key member of the England team.
R152.00
Rafa: My Story
Revelatory memoir from the greatest sportsman in the world today.
R182.00
FIFA 14
Xbox 360
R549.00
Mitre Ultimatch Soccer Ball - White
A high quality football, offering high performance at both training and during football matches.
R252.00


Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Live Video Streaming

Thu, 24 Apr @ 05:00
Fri, 25 Apr @ 07:00
Fri, 25 Apr @ 07:30
Fri, 25 Apr @ 09:30

Sports Talk



Azwihangwisi Mukhuba
Musona-less Chiefs' title hopes fading
Kaizer Chiefs announced that their star striker Knowledge Musona will be out of action for the rest...

Neil Tovey
Reason to feel Chippa
Winning automatic promotion to the PSL is always a fine achievement. Chippa United, however,...

Abiye Opuamah
Sacking Moyes the right decision?
As the news of David Moyes’s sacking reverberates around the football community, there will be more...

Carol Radull
Was Moyes's appointment deliberate?
I know every football blogger in the world has to blog about David Moyes this week and since I’m...

Calvin Emeka Onwuka
Finally Moyes is out of his misery
Finally emotions have been replaced by common sense and David Moyes has been put out of his misery...

Dr Errol Sweeney
Coach's behaviour appalling, could lead to deaths of referees
The recent after match comments by the coach of EPL club Chelsea is nothing short of appalling and...