Loading Live Scoring...
*All times CAT (GMT+2)

Football | Naija

Note: this article is written in Pidgin English for a Nigerian audience

Guardiola dey waka go Bayern

Bayern Munich don show say dem mean serious business ,afta dem announce say the ogbonge coachi Pep Guardiola wey be Barcelona foma coachi and wey lid dem win plenti plenti cup with the correct tapping wen dem det tap don gree make become dier coach, come replace Jupp Heynckes wey dey waka wen seasin finish

Guardiola wey b 41 years, go enta the coachi chair afta Heynckes sef decide say in no go extend in kontrak and the Spain Coachi don gree for the deal wey go sign am stay for Bayern Munich reach June end for 2016, Bayern bin tok for statement for dier website (www.fcbayern.telekom.de) for Wednesday.

" We dey hapi say we manage convince the ogbonge football winch Pep Guardiola, wey everi klub dey find, many many klubs bin dey tok to am, but we jolly say na Bayern Munich in come" Bayern oga pata pata Karl-Heinz Rummenigge tok.

" Pep Guardiola dey among world best for coaching and we sure say in come bring korrect swag, with korrect system come Bayern Munich and Germany football sef," in add.

Bayern announcement don end all the amebo gist and rofo rofo gist wey bin dey circulate as per na which klub in go land, Guardiola sef bin announce dis month say in go come bak next seasin afta e cari one year say make in rest

In bin resign as Barca coachi wen lass seasin finish, afta in don lead the La Liga klub wey in start in career as player, win 14 trophy inside four years, wey include two Champion Lig cup plus 3 Spain La Liga title wey in win for three straight years.

Na korrect waka for the Germany klub wey come secon for Champion Lig lass seasin, as per all the big big klubs wey get kulele scatta pass sef, Chelsea, Manchesta City and Paris St Germain all bin dey line dey pray say dem go fit hire Guardiola

Guardiola bin yarn dis week for Ingiland FA 150 anniversay wey den organise say na in ambishun tomanage team for Ingiland Premier Lig one day

Guardiola time for Barca ( na in fess coachig waka b dat) na gbam, Barca kollect beta fans with the korrect tapping wey dem dey tap, the swag too much sef, possesiion footbal of the highest order show, come see passsing, shangaloo join sef, na one touch waka, ogbonge possession football wey scatter Spain and Europe.

PLenti pipu dey tok say na dier foma coachi/playa Johan Cruyff create Barca style, Guardiola sef play for the Coachi wey come from Holland dat time during the 1990 time wen the klub bin win deir fess Europe Cup.

The foma Spain Intanashunal kollect plenti praise as per na im allow Messi make e find space for firld dey deal with pipu more than the foma coach Frank Rijkaard do.

BEFO BEFO THINGS E remain to c weda Guardiola parole go fit Bayern and Bundesliga sef.

Anoda gbege be say, e fit hard am small becos e no go be like Barca wey b say almost all the playas comot from dier academy reach fess team.

But wen in reach dere, in go meet in broda from Spain Javi Martinez wey join Bayern dis seasin.

Guardiola sef go wan cari some of in foma paddy enat Germany, make dem join hand with Martinez, the mata get as e be becos Barca presido Sandro Rosell don warn am say make in no cari eye look in playas

Bayern dey numba one for Bundesliga, take cari nine point everibodi afta the 17 match wey dem don play. The Lig go resume dis week afta dem cari one month rest becos say na snow yime for Europe, and dem go knack head wit Arsenal for the quata-final for Champion Lig wen the kompitishun resume next month


More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk

Calvin Emeka Onwuka
The big match myth
One of the things that make football the popular sport it is, is the simplicity. The team with the...

Dr Errol Sweeney
Moaning Mourinho blasts ref, but not his team
There is an old saying (cliché) that says, “A tradesman always blames his tools.”

Sunday Oliseh
No more underdogs In African football
As I sat there at the Adokiye Amiesimaka stadium and watched Sierra Leone mastermind a 0-0 draw...

Segun Odegbami
The baptism of Nigeria’s new coach
Last Saturday we saw glimpses of a new Super Eagles team. It was not such a pleasant sight.

Neil Tovey
Rakhale – kasi star on the rise
Thabo Rakhale has come on in leaps and bounds as a player since he debuted for Sivutsa Stars during...

Emeka Enyadike
All eyes on Coutinho
Phillippe Coutinho produced one of the standout moments of the opening week of the Premier League.