Loading Live Scoring...
*All times CAT (GMT+2)

Football | Naija

Note: this article is written in Pidgin English for a Nigerian audience

Bet on Naija to win someting

If you be guyman wey dey like stake or pam (I too rememba dose days wen pools dey reign for Naija! Baba Sikira for we area troway hin whole salary. Anoda tori sha), but you no wan too risk am; you fit put ya money ontop Supa Eagus to win sontin for Nations Cup.

Naija Supa Eagus don waka 16 Nations Cup; e don reach 50 years sef, and dem don win two cup (dem carri fess), dem carri second 4 tines and na 7 tines dem don carri third. Dem be sure-banker, abi?

Na onli 1963 and 1982 (dem comot for fess round dat time) den 2008 (na knockout dem waka) na im Supa Eagus neva carri sontin for Nations Cup. Dis time sha, dem suppose reach knockout for South Africa, sake of say dem dey Group C wit Burkina Faso, Ethiopia and Zambia.

Any contri wey finish for numba one or numba two for inside all de group for Nations Cup, go waka enta knockout (na quarterfinal be dat ke!) and na Naija wit Zambia na im guymen eye dey look for Group C.

Everibodi rememba how cold bin catch dem wen Supa Eagus no play Nations Cup for 2012 and na sharp-sharp na im dem use troway dia coachi dat time; Samson Siasia.

As dem troway Siasia, dem carri former Eagus skippo, Stephen Keshi, (de time wey Keshi be Eagus skippo, na 'Big Boss' be hin guyname. As a very bad guy dat time) to come be Eagus coachi.

Na Keshi be Naija skippo, de las time Eagus win Nations Cup. E don reach 19 years wen Naija win am; dem bin waya Zambia 2-1 for inside Tunisia, for final.

Wen Keshi dey tap ball, hin be defenda wey strika dey fear well, well and de way he dey halla hin mates dem, na so hinsef be. Na de kin tin Keshi don dey try carri enta Eagus camp for Faro (inside Portugal), as hin dey train hin playas.

”Na playa wey wan gree-die for Naija I dey find. De one wey go too happy say he dey wear Naija color”, na im Keshi tok.

Keshi bin don carri Mali and Togo enta Nations Cup bifor, but dem no gree waka pass de fess round dat time.

”Notin dey sweet me pass to dey see as playa dey fight becos he wan play for Naija. As all man dey gbege to enta team wey I dey train so, sweet my belle well, well. Nobodi be sure-banker for dis team. All man musto work like jackie to enta.”

Eagus defenda and skippo, Joseph Yobo, go soon be like Kanu sef; hin too wan play for 6 Nations Cup, and he dey Keshi back like eczema.

”To win Nations Cup no be moin-moin, but I dey yarn all guyman say we go play die. Na make all man jus dey pray for us and make dem sef get confido”, na im yobo tok.

”We dey waka go South Africa and we redi to make all Naija pipu happy. We go work like laborer till we win de cup. Thank God say we get coachi dem, wey sabi us well, well and me sef know say de playa dem redi for de Nations Cup.”

”Make we no do oversabi sha. Na one by one. We go fess try waka from group enta quarterfinal. Na dat time we go come dey look semifinal and final.”

Yobo na de 'Idi Amin' of Naija Supa Eagus. All man dey look say Chelsea playas, John Mikel Obi and Victor Moses go holo midfild tight and Ikechukwu Uche wey dey tap hin club futbal for Villarreal (inside Spain) suppose be de dangerman.


More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Latest Video Highlights

Sports Talk

Dr Errol Sweeney
14-year-old ref racially abused
We are constantly told that football is the most popular sport in the world and, to a large extent,...

Sunday Oliseh
Coaching Eagles: What they won’t tell you
Two days after starting as chief coach of the Super Eagles of Nigeria a representative of a major...

Segun Odegbami
Nigeria needs something valid to celebrate
The Adokie Amiesimaka Stadium erupted in an orgy of celebration after Nigeria beat Swaziland 2-0.

Calvin Emeka Onwuka
Mourinho and Rooney at crossroads
It was after a goalless draw at Old Trafford in the second match of the ill-judged season of David...