Walcott dey gada Henry swagga
by Andrew Randa 30 December 2012, 10:11
D kain ball wey Theo Walcott tap come make pipu dey rememba Thierry
Henry as d way in take score hat-trick ( na three gol for one match b
dat) b like d time wey Henry sef dey play for d gunnas as d Gunnas
scatta Newcastle United 7-3 for Saturday match
D match wey b one of d ogbonge match wey dem don play for Premier Lig
dis season, bin c Walcott play as strika come nack three gol, and na d
place wey in din dey beg Coachi Arsene Wenger make e play am,
Walcott sef don dey show say im shoe size fit b like Henry own ( Henry
na im b d London Klub playa wey get hiyes gol for dem histori)
" Im fit play for centa for attak, i sure well well" Manaj Arsene
Wenger bin tell d klub webusite (www.arsenal.com) afta in team enta
numba five for table.
" In go beta, strong kakaraka, in do do well, and na wetin me dey
expect from am"
Walcott bin score for d 20 and 73 minut come add d numba three gol wen
match don dey nearli finish
Olivier Giroud score two, Alex Oxlade-Chamberlain and Lukas Podolski
add dier own for Arsenal even as Demba Ba score two for Newcastle dem
and Sylvain Marveaux add join.
