Loading...
Loading Live Scoring...
*All times CAT (GMT+2)

Football | Naija

Note: this article is written in Pidgin English for a Nigerian audience

Ashley Williams na killer - Ferguson



Manchesta United coachee Alex Ferguson dey vex say Swansea Citi defenda Ashley Williams for kill Robin van Persie during d 1-1 draw wey dem play.

D Wales defenda bin take shot hamma Van Persie for head wen im dey ground for d second haff od deir match, wey come make players dem start to dey fight inside field. Even as refuree come book Van Persie and Ashley Williams.

Swansea numba 1 gol man, Michu bi cansil Patrice Evra gol,wey come stop Fergie and im boys to tak incris d 6 point wey dem get for City head.

" Robin van Persie lucki say im dey alife " Feguson talk

" Na disgrace wetin dier player do today and d FA sef suppose ban am for d yeye tin wey im do, im for kuku break Robin neck sef.

" Wetin im do na one of d veri dangeros tin wey i don eva see for field for plenti plenti years, im sabi wetin im dey do and na for refuree front e happen"

Williams talk say wetin happen na accident and im tell Sky Sports say " Me jus clear ball, na vex plus frustrashun i take hit d ball and e come hit am for head, and d tin vex am.

Swansea catch fire for d beginin of d match, Michu nearly score as im lif Nemanja Vidic for back run go, before Wayne Rooney sef and Ashley Young pepper Swansea gol kipa Michel Vorm wey just come back from injuri.

United come score for d 16 minute and Evra header enta net from d cross wey Van Persie cross, na im numba 3 gol dis seasin and na with head e take score all of im gols.

For d 29 minute. Wayne Routledge pass, bin clear space for Jonathan de Guzman, as im run take shot, De Gea come stop am but Michu dey beta postion to put d ball inside Manchesta net come score d numba 13 gol dis seasin

Vorm bin save Rooney shot before halftime reach, and Ferguson sef bin halla refuree why im no do anytin when Chico Flores bin push Van Persie fall for ground befor Swansea run go score dier gol.

De Gea sef dey action as im save shot from Routledge and Kemy Augustine and d two team dey play demselves to see who go score d winning gol.

Na United fess draw dis seasin be dat for all d kompitishion wey dem play and na onli four point dem take gap Manchesta City now as dem dey prepare for Newcastle United match for house.

Arsenal dey 3rd now for table as per d 1-0 win wey dem win Wigan, and dem be one of d team wey get 30 point, togeda wit Everton, Tottenham Hotspur and West Bromwich Albion.



Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk



Dr Errol Sweeney
Ref assault should be condemned by all
The assault on a referee in Saudi Arabia recently should be condemned by all.

Neil Tovey
My Absa Prem team of the season
Games are won by scoring goals but defence wins titles. That rang true for Kaizer Chiefs.

Carol Radull
I'm not surprised Arsenal stumbled
Why am I not surprised that Arsenal has stumbled at the final hurdle, or close to the final hurdle?

Sunday Oliseh
Why Pep’s move could fire up the EPL
It’s the talk, speculation and rumour of the moment that, if true, could impact the English Premier...

Segun Odegbami
Messi, the little genius
After last Wednesday night, the challenge with writing about this little Argentine is not about how...

Calvin Emeka Onwuka
The best team always wins the league
One of the ironies of life is that the first time I heard the chant of “boring, boring”, it was...