Raheem Sterling don sign
by Andrew Randa 21 December 2012, 23:34
Liverpool winga Raheem Sterling, one of players wey manage shine for
Liverpool anyhow seasin don sign,new kontrak, add plenti plenti year
wey im wan play for d klub, wey b d foma foma Europe Champion for
Friday.
Sterling wey b 18 years, wey bin becom d numba 5 young young playa wey
don efa play for Ingiland, bin play im fess match for im kountri lass
mont for d friedili match wey dem play wit Sweden talk to im klun
webusite ( www.liverpoolfc.com) talk say na im dream wey dey show so.
"I nefa start oh, plenti work still dey ground, as Coachee yarn sef, i
go stil shine, i dey pray say i go dey cari go, efen afta new year
time come, do my best ,make sure say Liverpool go dey win match ." d
player wey come from Jamaica talk.
D klub managing direktor Ian Ayre talk say Liverpool wey dey numba 12
for Lig don arrange one of d ogbonge young player wey Ingiland get.
" Since June time, Luis Suarez, Daniel Agger, Martin Skrtel, Jonjo
Shelvey and Suso all don sign long long player and dat one sef show
say we dey readi to hold our players , and we bilif say to win Cup no
far, we go make am for field" im add.
" E don show say d players sef bilif wetin were dey do for here and d
confido wey dem get for we coachee Brendan Rogers and efribodi for d
klub.
