Wilshere don make Gunners happy
Jack Wilshere don warm Arsenal belle small as im don rivil say im dey talk with d klub as per make im take renew im kontract for d klub.
D London Klub wey bin comot from Lig Cup wen Bradford City beat dem lass Tuesday and no dey near anywhere for Premier Lig go waka go Reading for dem match on Monday.
Wilshere wey bin return from injuri make efribodi for d Klub happy as im wan dey carry go for d klub.
" Me dey yarn wit d klub, and from wetin i see, i fit comit my future for dis side"
" I sabi say tins dey rough now for d klub, but na so e dey be for efri klub"
D Wahala wey Arsenal dey sef, come make pipol dey vex with Arsene Wenger, but d coachee talk say, if pipol look am well, D gunnas fit win all d remaining competition wey dem dey.
" I know say we dey down down for table, but ball dey change oh, e no go warn u, na to just win like 3 match, make we rivals lose one abi two, gbam, we for don enat top again, we go need small luck sha" Wilshere talk.
" We dey Champion Lig quata final, e go hard, but d truth be say for Champion Lig anytin fit happen.
" Na juss 2 match, and anytin fit happen, we wetin we do Barcelona, see as we beat dem ( for 2010-2011). I no see reason why we no fit do am again.
" We get hard match with Swansea dem for FA Cup, if we take win dat one and some big big big Klub comot, then e fit happen.
Wilshere sef say im still get faith wit Arsene Wenger,, im talk say Wenger na d correct coachee wey d klub nid, no b say becos d team pipol go dey look im side, the players sef suppose cari eye look demself.
" Efri year im dey play Champion Lig, i no sabi any coachee wey don do am before. Im don create rekod for we Klub, im name go dey here foreva sef."
" Im change efritin for Arsenal since wen im bin show like 15-16 years wey pass. E bring "Total Futobal", na tap, i tap im bring, passin passing game if u wan call am like dat.
Wenger trit me well, e show faith for my side since i dey small, e even dey my side wen i bin injure and e still my side now sef.