Loading Live Scoring...
*All times CAT (GMT+2)

Football | Naija

Note: this article is written in Pidgin English for a Nigerian audience
Jose Mourinho © Action Images

We no fit catch Barca-Mourinho

Jose Mourinho no bilif say Madrid fit catch Barcelona again, to come retain dem tiltle afta dem bin draw 2-2 wit Espanyol for house for Sunday match.

Barca wey dey unbitin, hammer Atletico Madrid wey be secon for table 4-1, Messi score two inside d goal for d match for Nou Camp come carry 13 point gap Real wey dey numba 3 for table.

" Lai lai, e no fit happen," Mourinho tell one news confirence " D gap plenti no be small for dis stage wey we dey, last year we gif Barca 10 point for februari time come hold am like dat take win d Lig.

" But as e be so if we go fit omprof for Lig, e go helep us for King's Cup and Champion Lig sef.

Real dey struggle to show d kain form wey dey show lass year wey dem scatta rekod yakata, and dem drop 15 point sef wit d 3 draw n d 3 difit wey dem get wey pass all of last seasin own.

Barca sef don win all dem Lig game dis year minus d one wey dem draw 2-2 wit Real for October time.

As Madrid bin lose 2-1 for Celta Vigo hand for King Cup , pipul come dey talk say Mourinho sef fit waka befor im kontrak go finish for 2016 time.

" E don tey wey i dey dis kain position, i no juss undastand, d kain points wey we dey drop no good at all, we suppose go bak, think am well well, come do beta tin for field, we no fit dey continu like dis" Mourinho talk.

Barca sef no send d win wey dem win dem rival Atletico becos dem bilif say as seasin dey go, Atletico and Madrid go dey gif dem close marking dey shadow dem.

Midufilda Sergio Busquets talk say say " Na good advantage but Lig still dey far, match plenti, nobodi bin tink say we go dey where we dey, but we go dey continu to dey do wetin we dey do."

Atletico coach Diego Simeone no gree wit wetin Busquets talk sef " Barca no be we mate, na different level dem dey, dem ball pass be careful, " Simeone bin yarn ,after Barca cari 9 point gap dem for numba 2 position.

" We bin try to play too, we play d way wey good for us, we try sef for d game, but wit d kain ogbonge attak wey dem get, e no fit happen, dem too much.

" Messi na d best player for dis world. Me just hapi say me and im come from Argentina.


More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Latest Video Highlights

Sports Talk

Dr Errol Sweeney
Was Liverpool goal a 'genuine' penalty?
The ref bashers were out in force yesterday following Liverpool’s one nil win over Swansea City in...

Calvin Emeka Onwuka
Klopp keeps it simple
Two events show why the players have easily taken to what Jurgen Klopp is asking of them.

Sunday Oliseh
Coaching Eagles: What they won’t tell you
Two days after starting as chief coach of the Super Eagles of Nigeria a representative of a major...

Segun Odegbami
Nigeria needs something valid to celebrate
The Adokie Amiesimaka Stadium erupted in an orgy of celebration after Nigeria beat Swaziland 2-0.