New ogbonge mobile site for Naija
Contri people, na the new thing wey dey happen for SuperSport we want tell una so. Na him be our new website wey una fit look for inside una mobile phone internet.
Dis na the tori wey we get for una as e be say naija people like ball well well. Na yesterday, wey be Thursday, 14th December, 2012 na him wey we bring am out.
So, for inside una phone, una go just type www.supersport.com, and one hand, the thing go carry una inside the website for una telephone.
E no Mata which kind phone una dey use , so far, una fit look internet, na him be say, everything about all the ball wey dem dey play for Barclays Premier League,
Uefa Champions league sef and the Nigeria Premier League. Even sef, this one wey dem wan play Africa Nation Cup for South Africa, na we go bring una all the tori
Brekete as e dey happen for our doormat.
The thing wey make us special na say you fit look video of any match wey dem don play for inside your phone one hand once you enter inside the website. No be small thing oh.
So as e be so, wether na Nigeria Premier league or na Super eagles tori you wan know or na the rofo-rofo fight wey Lionel Messi and Ronaldo dey take drag who sabi play ball pass or na the
Naija Players wey dey obodo oyibo .
Even sef, all the ball wey Arsenal, Chelsea and Liverpool dem dey play or the gragra wey Manchester City dey take money do dem neigbours wey be Manchester United long throat and also follow
Them drag the Premier league cup. Na here una go fit get all the results too.
Make una tell una freiends make dem follow una look and also tell us how una see am. Oya make una enjoy
