Loading...
Loading Live Scoring...
*All times CAT (GMT+2)

Football | Naija

Note: this article is written in Pidgin English for a Nigerian audience

Naija Playas for Obodo Oyibo no try



Naija bobos wey been tap ball for dier club for Europe, on Monday nite, been many, but de tin been get as e be for dem

Shola Ameobi and Ogenyi Onazi no start wen dier mates start (Na bench dem been first siddon) for England (Ajebuta for we area dey call am “Jand”) and Italo, but dier own beta sef sake of say Emmanuel Emenike no even wia jersey for hin side.

Monday nite don turn June 12 (una rememba naa), but we for Supersport wan yarn una how e be.

ENGLAND (PREMIER LEAGUE)

Shola Ameobi (una sef bow say de bobo don gree tap for Naija, abi?) enta wen match remain 19 minit to finish as de “Magpies” (Bros, na wetin oyibo dey call Newcastle o!) chop beta bilala wen dem travel go play Fulham for dier house.

E for beta if to say Ameobi no enta sef becos nobody see hin activity. Fulham defence na baba and dem waya Shola plus Newcastle 2-1.

Ameobi don dey turn paale (he don reash 31yrs. De same time wen my own paale born my small sista) and na only 8 times he don wia jersey for Newcastle dis season.

ITALY (SERIE A)

Lazio been play 0-0 draw wit Bologna for dier stadium (Bros, if I try write de stadium name, una fit mental. Oya, na Stadio Dall’Ara. No be Onye Ara o!) and na wen match don reash “time to sweep” (oyibo dey call am “Stoppage Time”) na hin our smallie, Ogenyi Onazi enta.

Lazio coachi, Vladimir Petkovic (in fact!) no too send Onazi sake of say he neva play am well well.

Onazi (de boy na 19yrs) don play only 3 matches for Italo dis season.

RUSSIA (PREMIER LEAGUE)

Emmanuel Emenike (De Bulldoza. Okay, na me form de guy name jus now) don dey turn looku looku for hin club sake of say e no dey see ball tap again sef.

Well, on Monday nite, tori get k-leg becos coachi no even gi am jersey wen hin club, Spartak Moscow waya Rubin Kazan 1 kpondo.

Emenike (de bobo do reash 25yrs) don score 4 goal already for dis season and na 12 times he don tap for dem.

PORTUGAL (SUPER LIG)

Elderson Echiejile wen we dey tok say go play left defence for Baba Eagles don dey siddon for bench for hin club o!

Afta he been don siddon gidigba, for hin club, Sportin Braga, as numba one left defender las season, Braga coachi, Jose Peseiro, don troway our guy come dey use Salinho, Vinicius, Douglas and Ismaily as hin back 4. (De kin name dem get reash to fear Elderson sef)

Meanawhila, Echiejile been siddon for bench on Monday nite as de bobo wey kolect hin jersey, Ismaily, waya beta goal wey helep Braga bilala Academica Coimbra by 4-1.

Elderson own get as e be.



Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk



Segun Odegbami
Three headaches for Juventus
An estimated 400 million audience around the world are glued to their television sets. I am sitting...

Dr Errol Sweeney
Ref assault should be condemned by all
The assault on a referee in Saudi Arabia recently should be condemned by all.

Neil Tovey
My Absa Prem team of the season
Games are won by scoring goals but defence wins titles. That rang true for Kaizer Chiefs.

Carol Radull
I'm not surprised Arsenal stumbled
Why am I not surprised that Arsenal has stumbled at the final hurdle, or close to the final hurdle?

Sunday Oliseh
Why Pep’s move could fire up the EPL
It’s the talk, speculation and rumour of the moment that, if true, could impact the English Premier...

Calvin Emeka Onwuka
The best team always wins the league
One of the ironies of life is that the first time I heard the chant of “boring, boring”, it was...