Dangote don spray Eagus millions
De Naija Supa Eagus don dey swim in millions as a Naija business man, Aliko Dangote don dash dem N130 million as dia reward for de Nations cup final wey dem waka reach.
Aliko Dangote na him be de owna of Dangote companies as de man get plenti branch for Afrikan kountry wey include Benin, Ghana, Cameroon, South Africa and Zambia.
Dangote get too much swagga as na him be de richest guyman for Naija and de sekond sef for Africa.
De million wey him carri give de Naija Supa Eagus go boost dia morale as dem go tacku Burkina Faso for de Afcon final dis Sunday wey de come so.
Supa Eagus don land for Johannesburg and dem don start dia preparations of how dem go take chop de Babes of Burkina Faso on Sunday.