Loading...
Loading Live Scoring...
*All times CAT (GMT+2)

Football | Tori for Pidgin

Note: this article is written in Pidgin English for a Nigerian audience
Adebayor © Action Images

Togo turn Algeria to 'nes time'



Algeria na de fess contri to waka comot from dis year Nations Cup, afta Togo waya dem 2-kondo for inside Royal Bafokeng Stadium on Saturday.

Emmanuel Adebayor score for fess haf, den Dove Wome score hin own wen match don dey finish, to helep de Sparrow Hawks (na Togo guyname be dat) carri de three point for match wey bin hard dem small.

Algeria (na Fennec Foxes be dia own guyname) bin enta match wit beta gree-die and dem for score wen match jus reach 14 minit sef. Sofiane Feghouli bin nasa beta pass give Islam Slimani for de rite, but de guyman waya shot wey jus pass de goal post.

Na so Togo carri ball reach Algeria side afta dat one, and Mustapha Salifou troway beta cross give Adebayor near post. Adebayor jump pass Algeria defenda, Essaid Belkalem, but hin header pass side of net.

Wen match reach 22 minit, Algeria get corner and Feghouli cross am. Adlene Guedioura jump, head de ball, but Togo goalie, Kossi Agassa be like pussy, as he catch am bifor de ball near ground sef.

Togo goalie, Agassa, no rest, becos na so he dive reach hin lef side, as he push shot wey Algeria skippo, Mehdi Lacen, bin waya.

Upon de way Algeria dey press dem, na Togo come score. Time jus reach 31 minit for match wen Moustapha Salifou nod ball reach Adebayor front. He no miss. As Algeria goalie, Rais M'Bolhi, dey rush out, na so Adebayor jus tap de ball pass am come score.

E no reach five minit afta Togo score, and Algeria suppose score dia own too. Slimani colet one beta long pass for rite side, faya shot bit Togo goalie, Agassa rush out come block am.

As second haf reach, na so Algeria dey still try to score Togo and for 52 minit, Hilel Soudani reach one coret cross wey Foued Kadir nasa, but hin header pass side of post.

As match reach 70 minit for match, Slimani get beta chance. He run pass hin defenda, colet beta nasa from Djamel Mesbah, but de header wey he nod no good at all, as e go high.

Algeria still dey press Togo and dem for ekwalise wen time reach 84 minit, but Rafik Halliche block Hilel Soudani shot and Yassine Bezzaz see as de ball bounce reach am, but he waya shot over de bar.

Refree come stop match, sake of say de goal post bin bend one kin and dem go bring anoda one come put. As match start again, na so Togo sef get demsef. Wome run colet one kin pass and na so he place de ball inside Algeria net.Algeria 0 Togo (1) 2 (Adebayor 31’, Wome 90 + 1’)

Algeria: M'Bolhi; Mesbah, Belkalem, Halliche, Mostefa; Lacen (Bouazza enta for am for 83minit), Guedioura; Soudani, Kadir (Bezzaz enta for am for 66minit), Feghouli; Slimani (Aoudia enta for am for 75minit)

Togo: Agassa; Djene, Nibombe, Akakpo, Mamah Abdoul-Gafar; Amewou, Romao; Gakpe (Mani enta for am for 74minit), Salifou (Wome enta for am for 57minit), J. Ayite (Bossou enta for am for 90+1minit); Adebayor,



Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Latest Video Highlights

Sports Talk



Calvin Emeka Onwuka
Conte flourishes, Del Bosque, Hodgson flounder
In the closing minutes of the round of 16 tie between champions Spain and Italy, the Italians were...

Segun Odegbami
Euro 2016 – a lesson for African football
I am watching the ongoing European Championship 2016 with a lot of interest.

Dr Errol Sweeney
Everyone wants to be a ref
I must say I’m getting a little sick and tired of armchair refs who voice their opinions on...