Loading Live Scoring...
*All times CAT (GMT+2)

Football | Tori for Pidgin

Note: this article is written in Pidgin English for a Nigerian audience
Bafana fans © Action Images

Igesund dey pray for open game

Bafana Bafan coachi, Gordon Igesund, tok say he wan make Morocco attak South Africa wen de two contri face diasef on Sunday, for de las match for inside Group A.

South Africa dey fin draw to reach las eight, but dem go dey use one eye dey shadow Morocco, becos dose ones dey fin three point to take reach las eight.

”I dey look am say dem go attak us well, well becos e mean say de match go opin,” na im Igesund yarn amebo dem on Saturday.

”If na so e be, den we go waya dem.”

”We go see wetin dem wan do sha. Dem musto win if dem wan enta las eight.”

Igesund tok say hin playa, Lehlohonolo Majoro, wound no mean say e fit no play but hin go know how Tokelo Rantie wound go be afta.

”Me and doki bin dey yarn jus now and he tok say if we wan make Majoro play, we fit risk am.”

”Na sontin wey we go tink well, well but we neva sabi wetin we go do sha,” na im Igesund tok.

”Rantie no do anytin yestaday and dem bin dey treat am for nite. Dem out ice-block for hin leg and we go see how hin own be for aftanoon.”

Majoro bin wound beta wound for leg, for dia las match, wey dokita dem bin sew sef, and Rantie ankle bin turn one kin, for inside de same match.

Two playa wey don well na Kagisho Dikgacoi (hin bin wound hin knee) and Lerato Chabangu (na hin blokos side he wound), afta dem bin wound bifor South Africa match wit Angola.

South Africa fit enta las eight if dem win, play draw or Morocco waya dem sef. If Morocco waya dem sha, dem go dey pray make Angola waya Cape Verde, or make dem play draw sef.

Morocco musto win if dem wan be sure-banker for las eight, but if dem play darw and de oda match play draw too, Morocco fit still enta.

”All of us sabi say Morocco sabi tap ball well, well and dem get coret team,” na im Igesund tok.

”Dem get playa wey dey tap dia club futbal for Liverpool, Galatasaray, Fiorentina....so dem get ogbonge team.”

”De match go sweet and e go tuff becos we dey play pipu wey no send again. Dem go dey risk tins and we sef musto redi for dem.”

De coachi come yarn say hin team no go sleep at all becos “dem sabi wetin dem suppose do” for inside Moses Mabhida Stadium wey 50 tausan pipu go full, to come watch de match.

”My team sabi say we neva do anytin,” na im Igesund tok.

”We neva let anybodi score us. We dey tap beta ball as we dey go so and we don win our fess match for dis Nations Cup.”

”Our belle sweet small, but we sabi say we get beta work for front on Sunday.”


More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk

Calvin Emeka Onwuka
Klopp keeps it simple
Two events show why the players have easily taken to what Jurgen Klopp is asking of them.

Dr Errol Sweeney
14-year-old ref racially abused
We are constantly told that football is the most popular sport in the world and, to a large extent,...

Sunday Oliseh
Coaching Eagles: What they won’t tell you
Two days after starting as chief coach of the Super Eagles of Nigeria a representative of a major...

Segun Odegbami
Nigeria needs something valid to celebrate
The Adokie Amiesimaka Stadium erupted in an orgy of celebration after Nigeria beat Swaziland 2-0.