Loading...
Loading Live Scoring...
*All times CAT (GMT+2)

Football | Tori for Pidgin

Note: this article is written in Pidgin English for a Nigerian audience
Nando © Backpagepics

See as Sharks almost chop Lions



If no be say Youssef El Arabi bin score wen time don reach 78 minit, Morocco for enta beta gbege inside Moses Mabhida stadium for South Africa, wen dem bin follow Cape Verde play.

Na Cape Verde bin fess score wen Platini bin colet one kin sweet pass, come height Morocco goalie, bifor El Arabi goal mkake am 1-1, for dia Nations Cup match.

As South Africa bin don waya Angola 2-kondo for aftanoon, all man eye bin come dey ontop Morroce bodi, as na dem pipu feel say beta pass, say dem go waya Cape Verde, get de three point then follow South Africa drag am for Group A.

As refree blow wisu, e jus be like say de two contri dey fear-fear, becos dem jus dey troway ball anyhow, and na Cape Verde come even tap ball pass sef, for de fess 20 minit of match.

E no even resemble de Morocco wey all man know sef, becos dem bin jus dey fowl anyhow, sotay dem come dash Cape Verde one freekick for inside 23 minit, near dia 18.

Cape Verde strika, Ryan Mendes come tanda well, well, waya beta shot wey pass de Morocco defenda, but dia goalie, Nadir Lamyaghri dive like pussy, push de ball comot.

De Atlas Lions (Morocco guyname) jus dey struggle as de Blue Sharks (Cape Verde guyname) dey press dem, and na dia goalie, Lamyaghri, save dem again, wen he save two tines for togeda as Platini and Nivaldo waya shot, wen match jus reach 30 minit.

Even tho Morocco goalie bin save dem wen dem follow Angola play, he no fit save dem for dis one, as dia defenda hear when for Mendes and Platini hand, to come kukuma let dem score wen time reach 35 minit for match.

Cape Verde carri ball for midfild and Mendes jus send de kin 'carri-go' pass wey Xavi dey do for Barcelona, onli say na Platini na im carri dis one. De guyman jus waka pass de offside wey Morocco dey try do, come lob de ball pass Morocco goalie, into de net.

Morocco know say gbege don dey, and dia coachi, Rachid Taoussi, no even waste time, as he trow Youssef El Arabi enta de match, to follow support Mounir El Hamdaoui for front.

Tins jus no wan gree pure for Morocco sotay Younes Belhanda come colet hin second yellow card, meaning say hin no go play dia las match wit South Africa.

Morocco bin get chance wen match don reach 67 minit, as Cape Verde gi dem freekick near dia 18, but Abdelaziz Barrada faya ova de bar.

E be like say na onli counter Morocco go fit score, and dem come get am wen Barrada waka enat rite side of fild.

Nobodi go argue if persin hail say na Barrada be Morocco bes playa, and na im send beta nasa near touchline, wey waka go meet El Arabi, and hinsef no make mistake as he slice de ball enta net wen match remain 11 minit to finish.

As de two contri come score, e come be like say e belleful dem becos nobodi come too try anytin again.

Morocco (0) 1 (El Arabi 78 minit)

Cape Verde (1) 1 (Platini 35’)

Morocco: Lamyaghri, Achchakir, Bergdich, Benatia, El Adoua, Barrada, El Ahmadi, Belhanda (Chafni enta for am for 65 minit), Assaidi (Belghazouani enta for am for 54 minit), El Hamdaoui, Amrabat (El Arabi enta for am for 46 minit)

Cape Verde: Vozinha, Varela, Babanco, Neves, Platini (Roni enta for am for 70 minit), T. Varela, J. Tavares (Ramos enta for am for 89 minit), Soares, Nivaldo, Mendes (Heldon enta for am for 74 minit), Gege

Shop

Gerrard: My Autobiography
Steven Gerrard is a hero to millions, not only as the inspirational captain of Liverpool FC, but as a key member of the England team.
R161.00
Rafa: My Story
Revelatory memoir from the greatest sportsman in the world today.
R182.00
Mitre Monde Soccer Ball - White
Voted as one of the UK's favourite match balls
R219.00


Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk



Carol Radull
How do you pay tribute to Thierry Henry?
If you’re a fan of the classic musical “The Sound of Music” then you will be familiar with the...

Dr Errol Sweeney
Some refs invite criticism
Why is it that some referees appear to invite criticism? Why is it that some referees put a...

Neil Tovey
Backing Tinkler for the big time
With Vladimir Vermezovic having jumped ship, Orlando Pirates find themselves in a state of flux.

Chima Emmanuel Aguma
Wenger in or out? I say out!
After Arsenal’s loss to Stoke City this past weekend, the call for Arsene Wenger to step down as...

Sunday Oliseh
Football's new undisputed best club?
When Barcelona appointed Pep Guardiola as head coach in 2008, their primary objective was to stop...

Arjun Vidyarthi
Make or break time
Ten years ago today, I remember Andy Gray's iconic commentary at Anfield, when Steven Gerrard...