Forgot Password

 

Register

 

Create your Connect ID

This will allow you to login to all DStv websites & applications




or
Login using
x

Email Reset

 




Loading...
Loading Live Scoring...
*All times CAT (GMT+2)

Football | Tori for Pidgin

Note: this article is written in Pidgin English for a Nigerian audience
Tunisia © Action Images

Ivory Coast and Tunisia score for mortuary time



Mortuary goal na im Ivory Coast strika, Gervinho, and Tunisia winga, Youssef Msakni, bin score as dem waya Togo and Algeria, for inside Group D for Nations Cup on Tuesday.

Gervinho bin helep Ivory Coast, wey all man tink say fit win Nations Cup sef, win stubborn Togo, wen he score from tite corner, wen match remain 2 minit to finish to make dem win 2-1.

Maskni own even tay pass dat one, becos hin score wen time don finish, to helep Tunisia win dia Arab broda, Algeria, wit 1-0.

Five match out of de eight wey dem don play for Nations Cup na draw and de oda three don see mortuary goal (de time wey dem score na faya) – Seydou Keita bin score for Mali wen dem waya Niger on Sunday, wen time remain six minit to finish.

Even tho de score on Tuesday match for inside de Royal Bafokeng Sports Palace mean say Ivory Coast and Tunisia be de same wit three point for inside Group D, de way dem take win sha, no be de same.

Ivory Coast match wit Togo bin sweet well, well and dem win, but Tunisia and Algeria match no be like say goal go dey, until Msakni show beta skill, as he carri de ball faya one kin ogbonge shot from far place.

De tin wey Ivory Coast and Tunisia get sha; dem no tao beta ball even tho demk win.

Ivory Coast, wey dia beta playa like Didier Drogba, Kolo Toure, Didier Zokora and Emmanuel Eboue, dey play dia las card, since dem win de cup for 1992, bin dey make plenti mistake and demk no even resemble demsef.

Dia skippo, Didier Drogba, dey try join Nations Cup wit de Champions Lig and Premier Lig wey he don win wen he dey Chelsea, but he no tap ball well sotay hin coachi comot am wen time remain 16 minit to finish.

”De match bin tuff, but we sef know say na so e go be,” na im Drogba tok. “Togo bin play us well, well but we sef bin make plenti mistake and na wetin we go try coret for de oda match dem. Anyhow e be sha, na 2-1 we take win dem.”

GREE-DIE PIPU

Na Ivory Coast all man dey look fir Nations Cup, say fit win am, but na so dem dey waka comot everitime, in fact, na penarity dem bilala dem for 2006 and 2012.

Anyhow sha, dem bin show all man one gree-die wey persin wey wan be champion dey get – dem still win even tho dem no tap beta ball.

”I bin dey tink say we go tap pass wetin I see,” na im dia coachi, Sabri Lamouchi, bin yarn. “We don tap beta ball pass dis one bifor. I bin sabi say de fess match go hard, but dis one bin hard pass as I tink am.”

”We make many mistake o, but my belle still sweet with how we play and we go beta as we dey play dey go.”

Togo for don score wen time jus reach two minit for match, wen dia skippo, Emmanuel Adebayor bin colet one kin wowo pass wen Kolo Toure bin wan give hin goalie.

Insted make Adebayor waya shot, he wan drinble Ivory Coast goalie, Boubacar Barry, but de goalie comot de ball from Adebayor leg.

Adebayor sef tok am say hin no do well, but no be so Yaya Toure bin do, as hin no waste time at all, to waya beta shot as he score Ivory Coast fess goal wen time jus dey eight minit for clock.

Even tho Jonathan Ayite bin equalise for Togo as fess haf wan finish, wen Ivory Coast defendas dey do sme-sme, dem still no fit get any point.

De onli small gbege wey bin dey for de sweet match hapin for second haf, wen Togo playa Dare Nibombe score header from corner kick, but de refree wey come from Cameroon tok say dem no wait make he blow wisu; he no gree de goal.

Pipu no too halla wen e hapin, but Togo coachi, Didier Six bin nvex sotay, wen match finish he waka comot from amebo dem, becos, as hin tok, de tin no good at all.

”Dem no gree do de coret tin.”

De second match wen Algeria and Tunisia bin play, be like say e gobe draw, ad de two of dem dey tackle demsef.

Bifor Msakni score Tunisia goal, notin bin dey hapin, and na Akgeria strika, Islam Slimani, for even score, but hin head ball ontop bar for fess haf.

Second round go start on Wednesday, as South Africa go follow Angola play and Morocco go gbege Cape Verde for inside Group A, for Moses Mabhida Stadium inside Durban.

De Group still be equation balance becos all de team get one point.

Shop

Gerrard: My Autobiography
Steven Gerrard is a hero to millions, not only as the inspirational captain of Liverpool FC, but as a key member of the England team.
R152.00
Rafa: My Story
Revelatory memoir from the greatest sportsman in the world today.
R182.00
FIFA 14
Xbox 360
R549.00
Mitre Ultimatch Soccer Ball - White
A high quality football, offering high performance at both training and during football matches.
R252.00


Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Live Video Streaming

Pre Season Friendly - Club Deportivo Guadalajara v Bayern Munich
Hockey - Women: 9th/10th Place
Commonwealth Games H\L - Day 8
Netball - 11th/12th Place - Saint Lucia v Barbados

Sports Talk



Calvin Emeka Onwuka
Football arms race
Those of us old enough to remember the arms race and the cold war years can’t help but feel the...

Dr Errol Sweeney
World Cup refs return home 'battered and bruised'
The World Cup is over for another four years and already the post mortem has started into some...

Sunday Oliseh
What Germany did to become champs
The 2002 Japan and South Korea World Cup saw the Germans lose in the Finals to Brazil, thanks to...

Collins Okinyo
Amrouche is his own worst enemy
Thunder has struck twice with news of Harambee Stars coach Adel Amrouche being slapped with a...

Claudia Ekai
Save our Stars
First and foremost, it is not all over for Harambee Stars in the 2015 Africa Cup of Nations...

Carol Radull
The Harambee Stars' secrets
A week ago Kenya’s Harambee Stars hosted Burundi in our first international friendly this year. I...