Loading Live Scoring...
*All times CAT (GMT+2)

Football | Tori for Pidgin

Note: this article is written in Pidgin English for a Nigerian audience
Zambian fans © Al Smith

Zambia, Naija no start with swagga

If Zambia plan na to copy Egypt, Ghana and Cameroon as contri wey win Nations Cup wen dem be current champion, den no be de way dem be carri draw 1-1 wit Ethiopia on Monday e go hapin

Naija sef, wey dey fin dia numba three cup since dem win am las for 1994, fit enta beach go baf, afta Burkina Faso tif 1-1 draw wit de las shot, for inside Mbombela Stadium.

Naija coachi, Stephen Keshi bin see as refree nack Efe Ambrose red card wen match don dey nearly finish, and na provab he jus dey troway.

”I go let de playa dem sleep ontop de matta. E no go make sense if I gbege dem dis nite,” na im Keshi tok.

Naija playas fit dream bad dream sha, afta dem let Alain Traore score wen match remain 'bye-bye' (na three second bin remain o!) sake of say dia defenda na basket.

De way Monday finish mean say five match out of six for dis Nations Cup na draw. De onli one wey persin win na Mali 1-0 match wit Niger.


As ogbonge team like Zambia, Ghana and Naija don carri draw so, e mean say Group A, B and C neva start sef even tho na two match remain for dia.

Wen de team for Group D – Ivory Coast dey follow Togo play and Tunisia go pla Algeria inside Rustenburg – play dia match on Tuesday, e go mean say all man don play one match for Nations Cup.

E don reach 31 years since Ethiopia bin play for Nations Cup, but dem return wit faya, as dem follow current champion, Zambia, play draw, sotay dia coachi, Sewnet Bishaw, halla say make all man no troway hin team at all.

Hin team bin show beta gra-gra, and na so dem no gree Zambia take three point, even tho dia goalie, Jemal Tassew, bin colet red card wen match jus reach 35 minit, becos he do karat for Zambia playa, Chisamba Lungu.

Lungu waka comot, but Tassew, wey don colet red card as hin dey ontop strecha, no use leg waka, as dem carri am comot.

Even tho Ethiopia come play de match wit short one, Zambia still no fit win dem.

Collins Mbesuma fess score for Zambia, wit beta left as haf time jus reach, but Ethiopia carri beta gree-die and na so dem score dia own, wen dia skippo, Adane Girma, nack beta shot for 65 minit.

De two contri no go happi sha, becos dem bin troway many chance for de match.

Ethiopia strika, Saladin Said, bin tear beta shot wey jus bounce over de bar for 17 minit. Said come still miss penarity, afta Zambia goalie, Kennedy Mweene, catch hin shot for 25 minit.

Na so match bin dey bifor Tassew do hin karat kick, sotay guymen wey rememba 1982 World Cup semifinal, tok sat e resemble de style wey Harald Schumacher take kick France playa, Patrick Battison.

As match come stop small, na so Ethiopia pipu wey dey stadium jus dey trowat many tins enta fild, becos dem dey vex for de red card.

Ethiopia coachi, Bishaw, tanda for hin goalie back sha. He tok say de bobo bin dey do “hin work.”

Zambia coachi, Herve Renard, no gree at all.

”I don look am again and na coret red card. You no fit kick persin like dat,” na im he yarn amebo dem.

As Renard dey vex, na so Burkina Faso coachi, Paul Put dey happy.

”We sef come play for hia and we don show say we sabi. My team make my belle sweet well, well becos dey no gree and dem get dia goal.”


More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk

Calvin Emeka Onwuka
Klopp keeps it simple
Two events show why the players have easily taken to what Jurgen Klopp is asking of them.

Dr Errol Sweeney
14-year-old ref racially abused
We are constantly told that football is the most popular sport in the world and, to a large extent,...

Sunday Oliseh
Coaching Eagles: What they won’t tell you
Two days after starting as chief coach of the Super Eagles of Nigeria a representative of a major...

Segun Odegbami
Nigeria needs something valid to celebrate
The Adokie Amiesimaka Stadium erupted in an orgy of celebration after Nigeria beat Swaziland 2-0.