Loading...
Loading Live Scoring...
*All times CAT (GMT+2)

Football | Tori for Pidgin

Note: this article is written in Pidgin English for a Nigerian audience

Which Naija go show?



As Naija dey redi play for Nations Cup wit many playa wey neva play dis kin ball bifor, e hard to know weda Super Eagus fit win de cup, or weda dem go jus use am take prepia for World Cup for 2014.

As dem carri playa wey don play onli once (Omeruo), na so dem carri playa wey don play 88 tines sef (Yobo). Wetin dis guyman dey see na team wey fit dis Nations Cup but dem go gada plenti luck join.

As dem dey so, nobodi fit tok say Eagus na de numba one team for dis Nations Cup becos persin go look de kin playa dem, how many tines dem don play dis kin ball or weda dem get confido sef. If na de exam be dat, na contri like Ghana, Ivory Coastand Zambia you go put for front. E mean say Naija no go fit win am? Dis guyman no gree.

Naija get coachi wey don dey change dia pattern and wey sabi ginger pipu, come carri ogbonge sabi as to how dis kin match dey be. Stephen Keshi don put mind to change how Naija dey tap ball – de 'slow-slow' way – to sharp-sharp futbal and make dem dey press. As e be so, hin team don dey sabi holo dia sef wen ball no dey dia hand.

No be all man go don see as he dey change de team and miss-kate (sorry. Na 'mistake' I bin wan type) still dey dia. Some of hin plays sef, no suppose dey de team but de road dem dey waka so na coret one. If we comot dia playing pattern sef, pipu don tok say Keshi sabi ginger men well, well and we fit see am sef, as de NPL boys dey follow rub shoulder wit de playas wey dey tap dia club ball for obodo oyibo.

Keshi no dey shake as per how he dey carri local playas go face ogbonge team dem. He get confido for de NPL boys and dem sef dey perform.

All dat one sha, Keshi neva face contri like Ivory Coast or Ghana; de kin contri wey Naija go meet for Nations Cup. Na dat one go be de final WAEC for Keshi. Pipu fit tok say he don play Egypt and Catalonia, but dos ones na 'play-play' futbal, plus sef, Egypt ball don dey fall since. Naija go need plenti luck wen dem meet Ghana or Ivory Coast becos dos contri dem get beta confido sake of say dem gada ogbonge playas.

Zambia, wey be current champion, sef get team wey beta pass de one wey win Nations Cup las year becos three ogbonge playa wey no dey bifor, don come. Zambia prepia sha, na moin-moin; de tin soft well, well. All dis contri sef, go hear 'ween' if dem meet Naija.

If dat time reach, de futbal go bloody and Naija go gbege evri ball from midfild, and na hia Keshi style go show. Hin midfild get beta playas wey fit gbege wit Ivory Coast or Ghana. Mikel be like de numba one for Africa and he get playas like Ogude, Onazi and Reuben wey get gree-die finish.

De wahala na for defense, as Naija no sabi. For post, Enyeama wey gada plenti sabi, don dey drop small, small and pipu don dey tink weda he fit catch cross sef. De guyman wey for follow Enyeama drag, Austin Ejide, don wound and persin neva sabi weda he go fit play sef.

For front, Naija gada playas, but if you comot Ikechukwu uche wey slow sef, all de oda playas no dey too score goal for Naija. Keshi fit kuku rotate dem, and na onli wingers Ahmed Musa and Victor Moses fit get confam jersey.

One place wey Keshi chop belleful na for freekick side, becos hin don get playas wey sabi, but how dem go use dat fire na im we go see.

For corner, Naija gada playas wey fit head ball well, well. Pipu like Yobo, Oboabona, Egwuekwe, Reuben and Moses.

De las time Eagus get dis kin playa na wen Victor Agali bin dey tap ball.

Egwuekwe throw-in sef, be like corner kick, de kin tin wey bin dey for Eagus around 1970-sontin.

As Naija gada fire for front so, na so dia back be like basket sef, sake of say defendas sabi forget diasef.

Nations Cup don reach na. We dey look dem.

Shop

Gerrard: My Autobiography
Steven Gerrard is a hero to millions, not only as the inspirational captain of Liverpool FC, but as a key member of the England team.
R161.00
Rafa: My Story
Revelatory memoir from the greatest sportsman in the world today.
R182.00
Mitre Monde Soccer Ball - White
Voted as one of the UK's favourite match balls
R219.00


Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk



Carol Radull
How do you pay tribute to Thierry Henry?
If you’re a fan of the classic musical “The Sound of Music” then you will be familiar with the...

Dr Errol Sweeney
Some refs invite criticism
Why is it that some referees appear to invite criticism? Why is it that some referees put a...

Neil Tovey
Backing Tinkler for the big time
With Vladimir Vermezovic having jumped ship, Orlando Pirates find themselves in a state of flux.

Chima Emmanuel Aguma
Wenger in or out? I say out!
After Arsenal’s loss to Stoke City this past weekend, the call for Arsene Wenger to step down as...

Sunday Oliseh
Football's new undisputed best club?
When Barcelona appointed Pep Guardiola as head coach in 2008, their primary objective was to stop...

Arjun Vidyarthi
Make or break time
Ten years ago today, I remember Andy Gray's iconic commentary at Anfield, when Steven Gerrard...