We don spray Keshi - NFF
The Naija Futball Fediration (NFF) wey na dem dey control all futball matter for Naija don skatta the report wey dey fly around say dem dey owe the Supa Eagus coachi, Stephen Keshi salaries.
Barrister Chris Green wey be member of the NFF people for Abuja say dem no dey owe Keshi and other coaches any salaries.
“Na lie na him be all the report wey dey circulate say we dey owe Keshi salaries, we no dey owe ham kobo and na the true be dat.
“As I dey yan with you now, we don pay all our players dem allowances and other entitlements for dem camp for Portugal and we hope and believe say dem go do well for the Afcon 2013 for South Africa,” Chris yan us for supersport.com.
Naija Supa Eagus dey group C for the 2013 Afcon wey go start this coming Saturday and dem go play Burkina Faso, Ethiopia and Zambia for the group stage.