Forgot Password

 

Register

 

Create your Connect ID

This will allow you to login to all DStv websites & applications




or
Login using
x

Email Reset

 




Loading...
Loading Live Scoring...
*All times CAT (GMT+2)

Football | Tori for Pidgin

Note: this article is written in Pidgin English for a Nigerian audience
Ghana © Action Images

Ghana take Tunisia drink 'garri'



Na 'play-play' match e be. Ghana and Tunisia dey prepia for Nations Cup, so dem play diasef for inside Abu Dhabi. Everitin hapin for second haf. Ghana coachi, Kwesi Appiah, enta inside dressing room wit hin playas afta fess haf finish. Weda he gbege dem, or he yab dem; de tin work well, well. Ghana comot for second haf wit anoda mind.

Ghana tia Tunisia net 4 tines for second haf, after Tunisia bin dey waya dem 2-kondo, as dem waya Tunisia 4-2 for inside the Sheikh Zayed Sports City stadium for Abu Dhabi.

Issam Jemaa bin don score two goals, before Kwesi Appiah change Ghana style. Ghana playa, John Boye, start de gbege for Tunisia wen he head Mubarak Wakaso freekick inside net.

The goal bin remind many pipu of Emmanuel Agyemang-Badu goal, wen Ghana waya Egypt for anoda 'play-play' match. Na Wakaso bin nasa freekick dat time too.

Wakaso come waya beta penarity, afta Tunisia bin foul Christian Atsu inside box 18. scores come be 2-2.

Asamoah Gyan, na from bench de coachi bring am, come score Ghana numba three goal, bifor Albert Adomah, anoda playa wey come from bench, come score to make scores 4-2.

Ghana (na Black Stars be dia guyname) bin dey play dia las 'play-play' match bifor Nations Cup go start on Saturday, and dia coachi, Kwesi Appiah, leave Solomon Asante and Kwadwo Asamoah for de team. Isaac Vorsah bin get one kin muscle pull bifor match start, so de coachi kukuma put John Boye inside.

Stadium bin empty like some Naija politician head, sake of say de pipu wey organise de match say dem dey fear make sontin no hapin. Dem no yarn us wetin for fit hapin sha.

Richmond Boakye Yiadom start de match as Ghana numba 9, and Christian Atsu bin dey support am for back. Kwadwo Asamoah play for lef side of defence. Solomon Asante bin dey show beta skill but de guyman too dey fall. Many pipu dey wonder how hin go do if he come play contri wey get strong playa dem.

Tunisia start de match like say dem dey vex, as dem control midfild and dia wingers dey play fire. Dem come score afta Issam Jemaa waya net, even tho Msakni and Rabiu Mohammed bin jam demsef, fall, yakata, for ground.

Ghana bin dey wait make refree blow wisu, but Darragi carri ball, lob am for Jemaa. Jemaa run pass Boye come score. Tunisia come dey lead 1-0.

Tunisia come dey holo de midfild, and Ghana coachi come kukuma remove rabiu Mohammed, as de guyman no bin dey play well, put Emmanuel Agyemang-Badu instead.

Wen haf time reach, Tunisia dey lead Ghana and many guymen dey wonder how Ghana wan score sef, as na Tunisia bin dey holo de midfild.

As second haf start, Wakaso colet beta pass from Asamoah. Instead make he pass to Yiadom, de bobo shoot over de bar! Yiadom vex well, well.

E no too tay bifor Isaam Jemaa score hin second goal for Tunisia (na him don score goal pass for de contri sef), as Ghana goalie, Kwarasey, no look de shot well, come let am pass hin hand. 2-kondo.

Ghana coachi, Kwesi Appiah, change de game sharp, sharp. Asamoah Gyan enta for Richmond Boakye-Yiadom and na so game come change.,/p>

Many guymen for Ghana don dey tok anyhow, as per, how Ghana fit win Nations Cup, and dis win wey dem get for Tunisia head suppose make all man cool down small.

Ghana go start dia Nations Cup on Sunday, wen dem go play DR Congo for Port5 Elizabeth, inside South Africa.

Shop

Gerrard: My Autobiography
Steven Gerrard is a hero to millions, not only as the inspirational captain of Liverpool FC, but as a key member of the England team.
R161.00
Rafa: My Story
Revelatory memoir from the greatest sportsman in the world today.
R182.00
Mitre Monde Soccer Ball - White
Voted as one of the UK's favourite match balls
R219.00


Comments

More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Latest Video Highlights

Sports Talk



Calvin Emeka Onwuka
United did well against Chelsea
To a lot of people the celebrations that greeted Robin van Persie’s equaliser “represented how low...

Sunday Oliseh
El Clasico gave a glimpse of the future
Real Madrid were deserving winners of the El Clasico at the weekend. A closer look seems to reveal...

John Dykes
United’s Felli-good factor
He was on their books for 10 years as a player, won everything with them and even coached them last...

Emeka Enyadike
Conversations with Senzo
I woke up this morning to the rude shock of the senseless shooting of Senzo Meyiwa and I still...

Carol Radull
Let the chickens hatch K'ogalo
Last year was an exception but I think “it is written” that the Tusker Premier League must go down...

Arjun Vidyarthi
Listen to the fans Rodgers
While in the UK I decided to do what every Liverpool fan would try and do - catch a game.