Loading Live Scoring...
*All times CAT (GMT+2)

Football | Tori for Pidgin

Note: this article is written in Pidgin English for a Nigerian audience

Mourinho go teach Cape Verde Coachee

Cape Verde Island dem wey don qualify for deir fess eva Africa Nations Cup don turn to d 'Special One" make e ginger dem as dem dey prepare for d competition for South Africa.

Dem Island Archipelago don send dem coachee Lucio Antunes go Madrid ,make e dey take eye dey see as Mourinho dey run things, weda im sef fit gada sumtin from the ogbonge correct coachee, wey fit helep dem.

Cape Verde bin shock efribodi , come cause big big upset for Nation Cup histori dat time wey dem comot Cameroun for the qualifier, and na dem go take open mata for the competition wen dem play South Africa wey go be between Januari 19 reach Februari 10.

Efribodi bin see Antunes, wey be 46 years for telefision for Tuesday match wey Madrid bin play with Ajax for Champion League , dey wear Madrid dem jaket, dey siddon near Madrid bench dey look as Mourinho dey organise, dey run things.

Ego dey dat side dey do Mourinho five and six until Sunday, and e go even follow join for Madrid La Liga match wey dem get wit Real Valladolid.

D beta part of d tori say na Cape Verde dem Presido wey arrange all d parole, Jorge Carlos na im contact Mourinho imself come ask am make e helep dem, the countiri newspepa A Nacao bin report.

Na veri emotional experience for me and na de reward for all di hardwork, to beat Cameroun no be moi-moi d coach wey lif im work for Traffic control talk.

Dem go start d competition wen dem play South Africa for Soccer City wey dey Johannesburg for January 19 Cape Verde gofiment dey pay for pre-tournament trainin wey d team go go, na lass week sef dem announce say special special stamp go comot to celebrate dem qualification Antunes waka come be like dat one wey Sabri Lamouchi wey be foma France player do that time wen im be collect Ivory Coast coachee work.

Last month wey pass so, Sabri Lamouchi bin dey Madrid dey give Mourinho close marking, dey watch as Madrid dey train before dem play Borussia Dortmund for Madrid, the coachee sef happy come talk say na beta beta experience be dat " Mourinho dey follow efritin one by one, dey look am well well, im eye no dey miss anytin at al at al, and na dat kain thin e dey carry gif im players strength and confido" Lamouchi bin tell reporters dem.


More expert analysis and opinion from Sport24
The opinions expressed by Sport24 experts and bloggers are theirs alone, and do not necessarily represent those of SuperSport

Event Streaming

Channel Streaming

Other Live Streaming

Event Streaming

Channel Streaming

Sports Talk

Calvin Emeka Onwuka
Klopp keeps it simple
Two events show why the players have easily taken to what Jurgen Klopp is asking of them.

Dr Errol Sweeney
14-year-old ref racially abused
We are constantly told that football is the most popular sport in the world and, to a large extent,...

Sunday Oliseh
Coaching Eagles: What they won’t tell you
Two days after starting as chief coach of the Super Eagles of Nigeria a representative of a major...

Segun Odegbami
Nigeria needs something valid to celebrate
The Adokie Amiesimaka Stadium erupted in an orgy of celebration after Nigeria beat Swaziland 2-0.